Udhëheqja në biznes fillon me disa mentalitete kyçe, në vend të komandimit dhe kontrollit.
NGA MARTIN ZWILLING
Jam i sigurt se do të pajtoheni që jo të gjithë drejtuesit e biznesit janë krijuar njësoj.
Por çfarë është ajo që i dallon udhëheqësit më të mirë nga të tjerët, veçanërisht përpara se të zgjidheshin dhe testoheshin për një rol të ri. Konkluzioni im, pas vitesh eksperience dhe konsultimi, është se lidershipi ka të bëjë kryesisht me mentalitetin.
Këto janë gjashtë mentalitete më të përhapura në drejtuesit efektivë të biznesit në kompanitë e mëdha.
- Jini të guximshëm në vizionin, strategjinë dhe shpërndarjen e burimeve.
Udhëheqësit “e guximshëm” janë të gatshëm dhe të aftë të ndërmarrin veprime unike për vendosjen e drejtimit përballë ritmit të sotëm të ndryshimit dhe kërkesave të klientëve. Ju duhet të bëni më shumë se paratë, të përqendroheni në mundësitë e së ardhmes dhe të zgjidhni për të gjithë.
Si për shembull, Elon Musk, edhe pse është më i njohur për suksesin e tij me automjetet elektrike Tesla, vazhdon të bëjë eksperimente në alternativa të tjera transporti si me SpaceX dhe Hyperloop. Ai është i njohur për mentalitetin e tij të guximshëm dhe një përkushtim të plotë ndaj vizioneve të tij.
- Merrni drejtimin organizativ përmes kulturës dhe talentit.
Sot edhe bizneset e vogla kanë nevojë për organizime komplekse që punojnë së bashku në një linjë, në distancë dhe në internet, duke përfshirë marketingun, shitjet, shpërndarjen dhe suportin. Ju duhet të ndërtoni dhe mbani një kulturë ekipore të angazhimit, llogaridhënies dhe rezultateve, duke kërkuar gjithmonë talente dhe teknologji të re.
Një nga çelësat kryesorë për arritjen e shtrirjes organizative është komunikimi i qartë dhe potenciali i lartë për arritjen e qëllimeve të biznesin.
Lexo: To be or not be afraid on being a human creative!
- Bëjeni ekipin, yllin për të bërë detyrat më të vështira.
Në shumë drejtues që njoh, mendësia e tyre është që të bëjnë veten të suksesshëm, në vend të ekipit. Ju si udhëheqës duhet vetëm të vendosni template-in dhe ritmin, njësoj si në drejtimin e një orkestre, dhe të kërkoni dhe shpërbleni ekzekutimin e detyrave që vetëm ekipi mund t’i bëjë. Ju duhet të mbani skuadrat të forta dhe të suksesshme.
Një tjetër çelës për performancën e ekipit është një program i rregullt shpërblimi për ekipet, si dhe për individët. Duke i dhënë ekipit një shans për të shfaqur publikisht arritjet e tyre, do t’i lejojë yjet individuale të shkëlqejnë. Lavdërimi për ekipet funksionon gjithmonë më mirë se kritika.
- Prekni mençurinë e pleqve dhe bordit për të ndihmuar biznesin.
Ju duhet të ndërtoni një bazë besimi për të marrë marrëdhëniet që ju nevojiten për komunikim të ndershëm, përqendrim në të ardhmen dhe trajnimin real se si të përmirësoni biznesin. Kjodo të rezultojë në kontakte më të mira, paralajmërim paraprak për ndryshimet e nevojshme dhe performancë më të mirë.
Fatkeqësisht, shumë drejtues biznesi e shohin dhe e trajtojnë bordin e tyre si një barrë dhe jo si një pasuri. Ata nuk e dallojnë imazhin negativ që po u përcjellin bashkëmoshatarëve dhe drejtuesve të tjerë të lartë. Çdo udhëheqës biznesi ka nevojë për aftësi të mira “menaxhimi”.
- Fokusoni angazhimin e palëve të interesuara.
Udhëheqësit më të mirë nuk i shmangen angazhimit të palëve të interesuara, por gjithmonë i qasen asaj me një mentalitet për të nxjerrë në pah një pamje më të madhe, qëllimin e nivelit më të lartë dhe për të arritur në thelbin e çështjeve. Ata demonstrojnë një elasticitet personal, që u mundëson atyre të tregojnë gjykim të shëndoshë gjatë një krize.
- Rrisni ndikimin personal përmes qëndrueshmërisë dhe energjisë.
Sfida juaj si udhëheqës nuk është vetëm të menaxhoni efektivitetin tuaj personal, por gjithashtu të gjeneroni energji tek të tjerët, duke qëndruar pozitivë, duke qenë një model dhe duke dhënë shpresë. Është e rëndësishme që të qëndroni të përulur, të mos e ktheni gjithçka për ju dhe të mbani një bord të vogël këshilltarësh.
Në këtë epokë të re ndryshimesh të shpejta, komunikimit të menjëhershëm mbarëbotëror përmes mediave sociale dhe aktivizmit publik, drejtuesit e biznesit duhet të rregullojnë mentalitetin e tyre dhe të fokusohen më shumë në “gjërat e buta” të biznesit, por dhe në “gjërat e vështira”.
Mos harroni se objektivi juaj si udhëheqës duhet të jetë shumë më i gjerë se sa financat e thjeshta – ju mund të ndryshoni botën, si dhe trashëgiminë tuaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
