Shefja e Fondit Monetar Ndërkombëtar, Kristalina Georgieva, paralajmëron se rreziqet ndaj stabilitetit financiar janë rritur. Ajo theksoi “nevojën për vigjilencë” pas trazirave të fundit në sektorin bankar.
Duke folur në një forum në Pekin, shefja e FMN tha se ajo priste që 2023 “të ishte një vit tjetër sfidues”, me rritjen globale të ngadalësuar në nën 3.0 për qind për shkak të luftës në Ukrainë, shtrëngimit monetar dhe “plagëve” të lëna nga pandemia.
“Pasiguritë janë jashtëzakonisht të larta”, me perspektivën për ekonominë globale që ka të ngjarë të mbetet e dobët në afat të mesëm, tha ajo në Forumin e Zhvillimit të Kinës.
“Është gjithashtu e qartë se rreziqet për stabilitetin financiar janë rritur”, shtoi ajo.
Lexo edhe: FMN arrin marrëveshje me Ukrainën për një paketë kredie prej 15.6 miliardë dollarësh
“Në një kohë të niveleve më të larta të borxhit, kalimi i shpejtë nga një periudhë e zgjatur e normave të ulëta të interesit në norma shumë më të larta — të nevojshme për të luftuar inflacionin — gjeneron në mënyrë të pashmangshme strese dhe dobësi, siç dëshmohet nga zhvillimet e fundit në sektorin bankar në disa vende të avancuara”.
Komentet e saj erdhën pasi sektori financiar u trondit nga kolapsi i Silicon Valley Bank dhe marrja me forcë e bankës zvicerane Credit Suisse nga rivalja UBS, duke çuar në frikën e infektimit./ AFP
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto