Nga të gjitha tiparet që një person mund të zotërojë, kjo mund të lidhet më shumë me suksesin.
NGA CHRISTINA DESMARAIS
Nga të gjitha tiparet e personalitetit, vetëbesimi mund të lidhet më shumë me suksesin. Në biznes, ai ndihmon një person të marrë rreziqe dhe të ndjekë mundësitë. Krahasuar me njerëzit e pasigurt, ata që kanë vetëbesim, perceptohen si më tërheqës dhe priren të kenë një rreth më të madh shoqëror me cilësi të lartë.
Çfarë e bën vetbesimin është kaq joshës? Së pari, është e rëndësishme të bëjmë dallime se çfarë nuk është vetbesimi. Nuk është mendjemadhësi apo ndjenjë për të qenë më i mirë se të tjerët. Përkundrazi, është një besim i qetë në aftësitë e dikujt, pa mendjemadhësinë që rezulton në arrogancë. Këtu janë disa nga gjërat që do të dëgjoni të thonë njerëz vërtet të sigurt.
- “Unë nuk do të shqetësohesha për këtë”
Shkoni te një mik me vetbesim një listë me “çfarë-nëse”, ose arsye pse diçka mund të dalë keq dhe ka të ngjarë të dëgjoni këtë lloj fraze. Kjo ndodh sepse, njerëzit me vetëbesim në përgjithësi nuk shqetësohen. Ata e kuptojnë se edhe nëse diçka shkon keq, ata mund ta përballojnë. Është ndjenja e vazhdueshme që, pavarësisht se çfarë ndodh – e mirë apo e keqe – ata do ta përballojnë atë.
- “Bëjë atë.”
Së bashku me mungesën e ankthit vjen një ndjenjë optimizmi. Njerëzit me të vërtetë të sigurt presin që gjëra të mira të ndodhin. Në të njëjtën kohë, historia e tyre në marrjen e vendimeve të mira do të thotë se ata gjithashtu kanë aftësinë për të zbutur pozitivitetin e tyre me të menduarit realist.
- “Për mua funksionon kjo mënyrë”.
Individët me vetëbesim nuk ndihen të detyruar të përshtaten, për të fituar pranimin nga të tjerët. Kjo është bukuria kryesore e vetbesimit – vetësiguria e qetë që i bën të tjerët të duan ta ndjekin.
- “Pse jo mua?”
Në vend që të presin për mundësinë e radhës, njerëzit me vetëbesim e kërkojnë atë. Ndoshta është ndërtimi i marrëdhënieve të duhura, duke kërkuar një promovim ose duke bërë një hap besimi. Këta njerëz kanë një vizion për të ardhmen dhe hartojnë rrugën e tyre për të arritur atje.
- “Më duhet të them diçka”
Njerëzit me vetëbesim marrin një qëndrim kur bëhet fjalë për çështjet e së drejtës dhe të gabuarës, por kanë mençurinë për të kuptuar se, cilat beteja ia vlen të luftohen. Thënë kështu, ata do të tërhiqen me mirësjellje nëse vërtetohet se e kanë gabim, sepse janë mjaft të sigurt për të marrë në konsideratë pikëpamje të ndryshme nga ato të tyre.
- “Më trego më shumë.”
Njerëzit me vetëbesim dëgjojnë shumë më tepër sesa flasin, janë natyrshëm kureshtarë dhe shprehin një interes të vërtetë për të tjerët. Anasjelltas, ata që monopolizojnë bisedat ose mburren kanë diçka për të provuar dhe maskojnë pasigurinë.
- “A mund të më ndihmoni?”
Të gjithë kanë dobësi, por ata me vetëbesim nuk kanë frikë t’i pranojnë ato. Në vend që të shqetësohen se çfarë do të mendojnë të tjerët nëse kërkojnë ndihmë, njerëzit me vetëbesim janë më të shqetësuar për vetë-përmirësimin, fitimin e aftësive të vlefshme dhe kryerjen e një pune të mirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
