Pavarësisht krizës globale, Shqipëria nuk do të aplikojë kufizime në furnizimin me energji elektrike për qytetarët gjatë dimrit.
Zëvendëskryeministrja, njëherësh ministre e Infrastrukturës dhe Energjisë, Belinda Balluku siguroi qytetarët se nuk do të ketë kufizime të energjisë elektrike.
Lexo edhe: Humbje të dhimbshme në rrjetin e energjisë elektrike
Deklarata e Ballukut u bë gjatë inspektimit të punimeve në lotin shtatë të Unazës së Madhe të Tiranës.
“Nuk do të ketë kufizime të energjisë elektrike, ashtu sikurse nuk kemi dëshirë të aplikojmë as fashën 800 kW”, deklaroi Balluku.
Për këtë, sipas Ballukut është e rëndësishme të ketë reshje.
Ndërkohë, fasha 800 kW për të gjithë konsumatorët familjarë të energjisë elektrike ishte planifikuar të hyjë në fuqi më 1 tetor, por vendimi u shty, pasi pati një përmirësim të situatës energjetike në vend.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
