Shtyhet afati i aplikimit në Women Startup Competition Albania - Business Magazine Albania

Shtyhet afati i aplikimit në Women Startup Competition Albania

Startup Competition Albania

Më shumë mundësi për startup-et e drejtuara nga gratë dhe vajzat

Afati i aplikimit në Women Startup Competition shtyhet deri më 10 Tetor. Ju zonja që keni një ide biznesi, apo një prototip të gatshëm keni kohë të formatoni idenë tuaj edhe për më shumë se një javë dhe të aplikoni KETU 

Women Startup Competition vjen për herë të parë në Shqipëri në muajin Nëntor. Ky kompeticion, që synon të rrisë pjesëmarrjen e grave në sipërmarrje dhe inovacion, është pjesë e rrjetit europian të ekosistemit Women Startup Competition. Aplikimet janë të hapura deri me 30 Shtator për çdonjërën që ka një ide biznesi në fazë të zhvilluar. Mentorë ndërkombëtarë dhe vendas do t’ju shoqërojnë drejt konkursit final që do të zhvillohet me 5 Nëntor, falë mbështetetjes së Ministrisë së Shtetit për Mbrojtjen e Sipërmarrjes. WSC është mes inkubatorëve të përzgjedhur për të kontribuar në ekosistemin e startup-eve.

Kush jemi?
Women Startup Competition është një kompeticion i përvitshëm në Europë i startupeve të drejtuara nga gratë. Ai është themeluar për t’u dhënë mundësi grave sipërmarrëse dhe skuadrave të tyre, në mënyrë që të takojnë investitorë, të marrin mbështetje dhe këshilla për të arritur qëllimet e tyre të biznesit. Kompeticioni synon të rrisë raportin aktual shumë të ulët të grave në biznes krahasuar me burrat.

Women Startup Competition lindi në vitin 2012, në Budapest, Hungari. Që atëherë, lëvizja ka lulëzuar dhe është rritur vazhdimisht, duke tërhequr gratë sipërmarrëse krijuese, të cilat, përmes programit, janë përshpejtuar në autostradën e biznesit. WSC është i pranishëm në 12 vende europiane, duke ofruar gjithashtu një seri trajnimesh dhe konkursesh.

Keni kohë edhe dy javë për të aplikuar Këtu

Qëllimi i Women Startup Competition është të rrisë praninë e grave në biznes dhe për ta bërë këtë, WSC ofron trajnime dhe mundësi për startup-e, për të realizuar ëndrrat e tyre dhe për t’i inkurajuar ato të bëjnë atë që duan. Seria e konkurseve të WSC rrit numrin e ndërmarrjeve inovative, ku shumica e themeluesve janë gra. WSC punon të përmirësojmë njohuritë e grave sipërmarrëse, t’i inkurajojë dhe t’i ndihmojmë ato, si dhe t’i lidhë ato me qendrat kryesore të inovacionit të korporatave, investitorët sipërmarrës, investitorët engjëj dhe partnerë të tjerë të mundshëm

Pse të aplikoni?

Për të tërhequr vëmendjen, për të rritur pjesëmarrjen e grave në biznes dhe për të krijuar ekuilibrin gjinor. Rrisni shanset tuaja! Të gjithë fituesit nga ngjarjet gjysmëfinale lokale shkojnë direkt në Finalen Europiane.

Bëni pyetje! Ju mund të fitoni nga Rrjetëzimi Europian përmes pyetje përgjigjeve.

Mësoni të kënaqni audiencën tuaj! Merrni sugjerimet më të fundit dhe përmirësoni aftësitë tuaja të prezantimit.

Lexo: Nomadët digjitalë, të lidhur nga teknologjia

Kush mund të aplikojë

Një kusht është se aplkimi vjen nga një startup i drejtuar nga grua/vajzë, ose një startup, ku të paktën 50% e bashkëthemuesve janë gra.

Kushti i dytë: Startup-i duhet të jetë të paktën në fazën e MVP ose shumë afër lançimit. Pra, të Keni diçka për të na treguar

Procesi

  1. Aplikim Online
  2. Selektim dhe vlerësim i idesë.
  3. Mini-Bootcamp intensiv 1 ditë. ( Mentorim I shpejtë = 10 raunde me 2 min pitches + 15 min Q&A + 3 min ndryshim i mentorit)
  4. Prezantim në gjysëm finale 5 Nëntor (10 finalistë)
  5. Përzgjedhja e fituesit
  6. Prezantim WSC Demo Day – fituesit e përzgjedhur
  7. Follow up dhe fokus në zhvilimin dhe zgjerimin ndërkombëtar.

Eventi në Shqipëri: https://www.womenstartupcompetition.com/#10

FAQ: https://www.womenstartupcompetition.com/#16

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0