Për të përballuar krizën energjetike Qeveria e Kosovës ka miratuar një fond të ri prej 41 milinë eurosh.
Ky fond i ri që vjen në një situatë të jashtëzakonshme për Kosovën, e cila po përjeton edhe reduktime të rrymës elektrike gjatë gushtit, për shkak të defekteve teknike në njërin prej termocentraleve të saj, do të kompensojë familjet në nevojë për cmimin e energjisë dhe gjithashtu do t’i kalojë fonde kompanive energjitike për të përballaur cmimet e larta të importit.
Lexo edhe: Çmimi i energjisë drejt rritjes. Nga tetori konsumatorët familjarë në dy fasha
Sipas kërkesës së Ministrisë së Ekonomisë, ministri i Financave Hekuran Murati tha se fondet do të merren nga Pakoja e Ringjalljes Ekonomike dhe do të transferohen në Ministrinë e Ekonomisë.
“Propozim-vendimi tjetër ka të bëjë me kërkesën e Ministrisë së Ekonomisë që ishte për ndarjen e 41 milionë eurove për zbatimin e vendimit 13/19 të datës të datës 14 korrik i plotësuar dhe ndryshuar lidhur me Pakon e Ringjalljes Ekonomike për zbatimin e masës 3.17. Pra mbështetje në tejkalimin e krizës energjetike, pra kjo ka të bëjë edhe me zotimin që kemi si qeveri, për t’i mbështetur qytetarët në tejkalimin e krizës energjetike dhe përballimin e tarifave të shtrenjta të importit…”, u shpreh ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
