Pas katër ditësh bllokim për efekt mbrojtjeje nga një sulm kibernetik, platforma shtetërore e shërbimeve e-Albania thotë se janë rikthyer për përdorim nga qytetarët 1118, nga 1225 shërbimet elektronike. Sipas e-Albania tashmë merren nga platforma digjitale, dokumentet me vulë elektronike, certifikatat e gjendjes civile, vërtetimet tatimore, ekstraktet dhe certifikata e regjistrimit të biznesit, vërtetimet e papunësisë, certifikata e gjendjes gjyqësore, pra dëshmia e penalitetit.
Lexoni: E-Albania ende jashtë funksionit. Sulmi kibernetik mund të rezultojë në fshirje të dhënash
Gjithashtu është bërë e mundur aplikimi për regjistrimin në klasën e parë dhe të dhjetë të nxënësve përfshirë shërbimet e regjistrimit të biznesit. Por për të gjithë qytetarët shqiptarë që jetojnë jashtë kufijve të Shqipërisë, portali e- albania, do të bëhet funksional së shpejti.
Ndërkaq AKSHI, së bashku me skuadrën e Microsoft DART (Detection and Response Team) dhe partnerët e “Jones Group International”, po vijojnë punën me intensitet të plotë për t’ju kthyer qytetarëve edhe shërbime të tjera si ato për pronat, vërtetimet e ndihmës ekonomike, konsultat mjekësore, kërkesat për të përfituar nga programet e strehimit social, për listën e notave dhe vertetimin e diplomës për studentet që kanë ndjekur Universitetin e Tiranës, për shërbimet konsullore, për shqiptarët jashtë vendit.
AKSH angazhohet se do të vijojë punën deri në rikthimin në funksion të plotë të çdo shërbimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
