Lufta Ukrainë-Rusi ka nxjerrë për herë të parë në dritë edhe rrezikun real nga bombat bërthamore, që nga momenti kur Vladimir Putin vuri në gatishmëri të lartë këto armë, nëse vendi i tij rrezikohej apo sulmohej nga shtete të tjera. Në këto kushte merr një rëndësi të vecantë, filmi që pritet të vijë në kinema më 21 korrik 2023, mbi rolin dhe figurën e një prej shpikësve të bombës bërthamore.
Oppenheimer është një film biografik amerikan i ardhshëm shkruar dhe drejtuar nga Christopher Nolan. Ai bazohet në Prometheun amerikan, një biografi e J. Robert Oppenheimer e shkruar nga Kai Bird dhe Martin J. Sherwin.
Në rol kryesor është Cillian Murphy, i cili portretizon Oppenheimer-in, fizikantin teorik, i cili është ndër ata që vlerësohen si “babai i bombës atomike” për rolin e tij në “Projektin Manhattan” – sipërmarrja e Luftës së Dytë Botërore, midis Anglisë, Kanadasë dhe SHBA-së, që zhvilloi armët e para bërthamore, me të cilat më pas u sulmua Japonia, duke i dhënë fund luftës. .
Filmi është planifikuar të dalë në Shtetet e Bashkuara më 21 korrik 2023, nga Universal Pictures. Është filmi i parë i Nolan që nuk shpërndahet nga Warner Bros. Pictures që nga Memento (2000), për shkak të mosmarrëveshjeve që lindën nga skema për publikimin e filmit njëkohësisht në kinema dhe në platformën e HBO Max. / Forbes
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
