Syn+Ergasia është një panair pune dhe aftësish që zhvillohet ne Pallatin e Kongreseve në datat 23 dhe 24 Shkurt, ku u ofruan më shumë se 800 vende pune nga 30 kompani pjesmarrëse.
Ky panair vjen si një nismë, ku bëhen bashkë Bashkia e Tiranës me Ambasadën Greke në Tiranë dhe Shoqata e biznesit grek në Shqipëri.
“Kjo fqinjësi e mirë na ka sjellë bashkë për të parë se si mund të bëjmë diçka konkrete. Më vjen shumë mirë kur shoh numrin e ri për 800 vende pune, të cilat nuk janë vetëm 800 bordero, por janë edhe 800 marrëdhënie njerëzish. ” – u shpreh Erion Veliaj, Kryetar i Bashkisë së Tiranës
Fokusi i panairit është krijimi i një sinergjie në tregun shqiptar të punës, sidomos në komunikimin midis punëkërkuesit dhe punëdhënësit.
“Është një panair për zhvillimin e aftësive jo vetëm për të ofruar vende pune, sot ofrojmë 800 vende pune.” thotë Erifili Berberi, Drejtoreshë Ekzekutive e Shoqatës së Biznesit grek në Shqipëri.
Në dy ditët e dedikuara të panairit do të ketë dhe workshope e seminare mbi punësimin dhe motivim përmes historive të suksesshme. Në këto seminare mund të ndiqnim prezantime nga Z. Dritan Mezini, themelues i Duapune.com – partner në këtë panair dhe Genti Selenica, themelues i Baboon.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
