Ekspertët e astronomisë thonë se mesa duket janë keqkuptuar. Rezulton se raketa që pritet të godasë Hënën në fillim të marsit është ndërtuar nga Kina dhe jo nga SpaceX.
Një raketë pritet të godasë sipërfaqen e satelitit të vetëm natyror të Tokës në 4 mars, por ndryshe nga sa ishte paralajmëruar, ajo nuk u ndërtua nga kompania e Elon Musk.
Tani, rezulton se raketa 2014-065B është prodhuar nga Pekini, si përforcues për Chang’e 5-T1, i lëshuar në vitin 2014 si pjesë e programit të eksplorimit hënor të agjencisë kineze të hapësirës. Njoftimi u bë nga astronomi Bill Grey, i cili ishte i pari që parashikoi goditjen, por pranoi gabimin e tij lidhur me identifikimin e raketës.
“Ky (gabim i sinqertë) thjesht thekson problemin me mungesën e gjurmimit të duhur të këtyre objekteve në hapësirë,” shkroi në Twitter kolegu i tij, Jonathan McDowell, nje ekspert që mbështet idenë se duhet të ketë rregulla më të forta sa i takon kontrollit të mbetjeve hapësinore.
“Objekti kishte përafërsisht shkëlqimin që do të prisnim, dhe ishte duke lëvizur në një orbitë të arsyeshme”, theksohej ne postim.
Por “në retrospektivë, duhet t`i kishim vënë re disa gjëra të çuditshme” lidhur me orbitimin e tij, shtoi ai më tej. NASA tha në fund të janarit se do të përpiqej të vëzhgonte kraterin që do të formohet nga shpërthimi i këtij objekti, falë sondës së saj e cila rrotullohet rreth Hënës, Orbituesi i Zbulimit Hënor (LRO). Sipas agjensisë, kjo ngjarjen ofron vërtet një “mundësi emocionuese kërkimore”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
