Fermerët nxiten të investojnë përmes garancisë sovrane. Qeveria parashikon të japë 1 miliard lekë në vit në formën e garancisë sovrane, për të nxitur fermerët që të investojnë në prodhimin e produkteve “Made in Albania”.
Nga kjo nismë do të përfitojnë 6,000 fermerë.
Ministrja e Bujqësisë dhe Zhvillimit Rural Frida Krifca tha se, “Ne e japim këtë garanci në bankat tregtare, në kreditimin e investimeve duke ulur riskun e tyre në nivelin 50% të kolateralit, me shpresën se ju do mund të zbusni dhe nivelin e interesit për fermerët shqiptarë dhe për agro-përpunuesit’.
Lexo: Ministria e Bujqësisë hap thirrjen. Grante për të investuar në agroturizëm
Deklarata u bë gjatë takimeve me fermerët ky ishte i pranishëm edhe guvernatori i Bankës së Shqipërisë, Gent Sejko. Ai u kërkoi bankave të nivelit të dytë të mbështesin më shumë bujqësinë me kredi bankare.
Sipas Sejkos, “zhvillimi i qëndrueshëm i vendit kërkon vëmendje më të madhe te bujqësia, në rritjen e popullsisë rurale. Mbështetja e fonde e sistemit bujqësor meriton kredi më të madhe nga banka”, Përfituesit kryesorë nga garancia sovrane do të jenë ato që do të ndërtojnë një serë, përmes aplikimit për kredi në një prej bankave të nivelit të dytë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
