Engineered Arts, një projektues dhe prodhues i robotëve humanoidë me bazë në Mbretërinë e Bashkuar, së fundmi tregoi një nga krijimet e saj më të gjalla në një video të postuar në YouTube. Roboti, i quajtur Ameca, shfaqet duke bërë një sërë shprehish në fytyrë tepër të ngjashme me njeriun.
Në fillim të videos, Ameca duket se “zgjohet”, pasi fytyra e saj përcjell një përzierje konfuzioni dhe zhgënjimi kur hap sytë. Por kur Ameca fillon të shikojë duart dhe krahët e saj, roboti hap gojën dhe ngre vetullat në atë që duket si habi. Fundi i videos tregon Ameca-n duke buzëqeshur dhe duke përshëndetur me dorë shikuesit.
Na vjen keq t’ju zhgënjejmë, por Ameca nuk ecën, nuk rrotullohet ose të hidhet në ajër, siç bën roboti Atlas i Boston Dynamics. Thënë kështu, me siguri nuk do ta shohim Ameca-n duke ecur dhe duke folur mes nesh së shpejti. Engineered Arts thotë se roboti aktualisht nuk është në gjendje të ecë, megjithëse dëshiron t’ja japë këtë aftësi gradualisht.
Nëse Ameca nuk ju tremb mjaftueshëm, Engineered Arts zhvilloi gjithashtu një tjetër robot të quajtur Mesmer. Kompania thotë se ka përdorur skanime 3D të njerëzve aktualë për t’i dhënë robotit strukturën e saktë të kockave, strukturën e lëkurës dhe shprehjet reale të fytyrës. Në një video të postuar vetëm disa ditë pas shfaqjes së Ameca-s, Mesmer bën një sërë shprehjesh që duken edhe më bindëse, duke qenë se ky bot ka lëkurë dhe tipare të fytyrës më të gjalla sesa Ameca për momentin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
