Në Shqipëri opsionet për të investuar dhe shumëfishuar paratë tuaja janë shumë të kufizuara. Nëse keni krijuar disa kursime nga puna apo biznesi juaj, paratë mund të investohen kryesisht në bono thesari, depozita pa afat ose pasuri të paluajtshme.
Platforma më e re e investimeve nga BKT e ndryshon tërësisht pasqyrën e investimit në vendin, duke bërë të mundur që paratë të punojnë për ju. Vetëm me një aplikacion në telefon, ju mund të blini aksione në kompani si Apple apo Amazon, dhe të keni akses në të gjitha produktet financiare të bursave botërore duke filluar nga ajo e New York deri në Singapor. Individë, biznese apo korporata kanë një armë më shumë për të maksimizuar fitimet e tyre:
“Ashtu si udhëtimi pa viza në Shengen, tashmë edhe investimi nuk ka më kufij. Kjo është e rëndësishme sidomos në këto kohë, ku nëse do i investoni paratë në depozita merrni 0% interes. Unë besoj se platforma jonë revolucionare e investimeve do të zhvillojë njohuritë financiare në Shqipëri dhe klientët do të mësojnë më shumë rreth tendencave financiare globale dhe ekonomisë botërore. Produkti ynë do të kontribuojë në rritjen e profilit të investitorit dhe kulturës së investimit në Shqipëri.” – u shpreh Sejhan Penxhpllëgil, drejtor i përgjithshëm i BKT.
Platforma e licencuar nga Autoriteti Mbikëqyrës Financiar përbën një moment historik në zhvillimin e tregjeve financiare të vendit:
“Është bërë një punë e madhe në kuadrin ligjor dhe është një hap kyç për zhvillimin e tregjeve financiare të vendit. Kjo është platforma e parë e shërbimeve të investimeve online, që i jep akses të drejtpërdrejtë investitorëve shqiptarë, duke i ofruar mundësinë e investimit në aksione të kompanive ndërkombëtare dhe në një sërë instrumentesh të tjera Financiare” – u shpreh Ervin Mete, drejtor ekzekutiv i Autoriteti te Mbikeqyrjes Financiare.
Platforma “Smart Investment” është nga më të thjeshtat për tu përdorur. Në të gjenden të gjitha informacionet e nevojshme për të investuar, ndërsa komisionet për transaksionet në blerje dhe shitje janë shumë të ulëta. Gjithashtu nëse doni të tërhiqni apo të shtoni para në llogari nuk do t’ju kushtojë asgjë, një avantazh i pakrahasueshëm me shumë platforma të tjera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto