Buxheti i tre viteve të ardhshme me 11 prioritete

Buxheti i 3 viteve të ardhshme Buxheti i tre viteve të ardhshme me 11 prioriteteparashikon 11 prioritete në fushën e zhvillimit ekonomik.

Gjatë tre viteve të ardhshme 2021-2024 prioritetet në fushën e mbështetjes së zhvillimit ekonomik do të jenë:

– Promovimi i Shqipërisë si destinacion investimesh nëpërmjet organizimit dhe pjesëmarrjeve në panaire  ndërkombëtare  dhe  road  show  promovuese, vizita në kompani (after care), në kuadër të zbatimit të aktiviteteve për krijimin e zonës ekonomike rajonale / MAP REA si dhe monitorim efektiv investimesh strategjike;

-Ndërmarrja me sukses e aktiviteteve promovuese për nxitjen e investimeve të huaja dhe të produkteve “Made in Albania”;

– Rritja e përpjekjeve për të reduktuar informalitetin e mikrondërmarrjeve, ndërmarrjeve të vogla dhe të mesme, si pengesë kyçe në aksesin e financimeve të SME-ve, nëpërmjet:

– Rritjes së konkurrueshmërisë së bizneseve shqiptare në tregun ndërkombëtar nëpërmjet granteve nga Fondi i Konkurrueshmërisë (60 biznese të mbështetura financiarisht në 2021-2024);

Avancimit  të  mëtejshëm  në  fushën  e  teknologjisë  dhe  inovacionit  nëpërmjet  granteve  që  u akordohen  bizneseve  të  specializuara  në  këtë  fushë  nga  Fondi  i  Inovacionit  (75  biznese  të mbështetura financiarisht në 2021-2024);

– Nxitjes së krijimit të bizneseve të reja në sektorë me potencial zhvillimi nëpërmjet Fondit Start-Up (60 biznese të mbështetura financiarisht në 2021-2024);

– Mbështetjes së sipërmarrjeve të sektorit të artizanatit dhe zejtarisë me qëllim konsolidimin e tyre ne  treg  dhe  rritjen  e  numrit  të  të  punësuarëve  nëpërmjet  “Fondit  në  mbështetje  të  biznesit kreativ”,  ku  në  total  parashikohet  të  përfitojnë  85  SME  vendase  me  qëllim  rritjen  e konkurrueshmërisë për periudhën 2021-2024.

Lexo: Qeveria shqiptare planifikon rritje rrogash për mësuesit, mjekët dhe policët. Shtohet edhe fondi social

– Sigurimi i implementimit efektiv të masave të “gjelbëra” të planifikuara për SME-të nëpërmjet ridizenjimit të skemave mbështetëse.

-Nxitja e bashkëpunimit midis institucioneve arsimore dhe bizneseve, përmes aksesit të lehtë të informacionit

– Zhvillimi i një qasje holistike në mbështetje të SME-ve në integrimin e zinxhirit të vlerave globale përmes pjesmarrjes së Shqipërisë në rrjetin e Enterprise Europe Netëork, Shtylla e Programit COSME.

– Mbështetje për sipërmarrjet në sektorin e turizmit me 50 milionë euro në formën e instrumentit të garancisë sovrane.