Për pjesën më të mirë të dekadës së fundit, finalet e NBA kishin një element të qëndrueshëm – Lebron James. Së pari me Miami Heat, pastaj me Cleveland Cavaliers dhe tani me Los Angeles Lakers.
Sipas tij Shëndeti është elementi kryesor i produktivitetit!
Mund të mos duket sikur kjo ka të bëjë me produktivitetin, por ju sigurojmë që po. Gjatë viteve të fundit, shumë skuadra në NBA kanë pasur disa finale jo shumë të mira për arsye të lëndimeve të lojtarëve.
Shëndeti është një faktor kryesor në atë që bëni, por edhe për sa kohë mund ta bëni. Sa karriera njerëzish janë ndërprerë për shkak të problemeve shëndetësore? Për atletët, kjo është shumë e zakonshme, por mund të prekë këdo në çdo industri.
Kostoja e fshehur e neglizhencës
Jim Rohn, filozofi i madh i biznesit amerikan, thoshte: “Disa njerëz nuk performojnë mirë, sepse nuk ndihen mirë”. Sipas Healthline, 36.5% e të rriturve në Shtetet e Bashkuara janë obezë, dhe 32.5% të tjerë janë mbipeshë. Pavarësisht nga lëvizjet për plus-size, ka prova të qëndrueshme që lidhin nivele të larta të mbipeshes në forcën e punës me një barrë të fshehur të kostos për shkak të humbjeve në produktivitet.
Numrat tregojnë një histori
Shëndeti ynë ndikon drejtpërdrejt në aftësinë tonë njohëse, rezistencën fizike dhe sistemin imunitar. Kur filloj të punoj për herë të parë me klientët, dua të njoh regjimin e tyre të stërvitjes, si dhe dietën e tyre, ashtu si numrat e një kompanie tregojnë një histori. Në vend të kostove dhe fitimit, duhet të kemi një ide se sa të shëndetshëm jemi. Jashtë frekuentuesve të palestrës, shumica e njerëzve nuk marrin kohë për të analizuar zakonet e tyre shëndetësore. Vetëm derisa të kenë probleme shëndetësore ata fillojnë t’i marrin gjërat seriozisht. Fatkeqësisht, në shumë raste, kjo është tepër vonë.
Lexoni: 9 gabime në produktivitet që po i bëni çdo ditë
Çfarë mund të bëjmë?
Ne mund të mos kemi nevojë të kemi muskuj të fortë ose yndyrë të ulët trupore për të garuar në një vend pune, por sakrifikimi i shëndetit tonë afatgjatë mund të jetë shkatërrues. Një nga miqtë e mi milionerë në të 40-tat e tij përfundoi në spital për tre muaj, mezi arriti të ngrinte duart për shkak të efekteve dobësuese nga stresi të shkaktuara nga puna e tij. Historia e tij duhet të jetë një paralajmërim për të gjithë ne.
Për t’u siguruar që kjo të mos na ndodhë, ne duhet të përqëndrohemi në katër fusha: dieta, ushtrimet fizike, meditimi dhe gjumi.
Dieta – Këto kg të tepërta mund të jenë problem për nyjet tona, zemrën dhe të gjitha organet e tjera të trupit. Nuk kërkohet të shikoni kaloritë tuaj, megjithëse është një mënyrë e shkëlqyeshme për të marrë kontrollin e shëndetit tuaj. Preferohet një qasje më e ekuilibruar. Pak sheqer, një larmi proteinash dhe një dozë e shëndetshme e perimeve.
Të ushtruarit – Me punën gjithë ditën ulur në karrige, do të thotë që trupi ynë po bën më pak lëvizje sesa gjeneratat e mëparshme. Kjo është veçanërisht e vërtetë me kaq shumë takime që bëhen me anë të Zoom. Nuk ka nevojë të futeni në një palestër, një stërvitje 15-minutëshe do të jetë e mjaftueshme. Bërë vazhdimisht gjatë viteve, rezultatet mund të jenë marramendëse.
Meditimi – Stresi është në nivelin më të lartë të të gjitha kohërave për shkak të Covid dhe izolimeve pasuese. Izolimi ka shkaktuar probleme për shumë njerëz. Teknikat për të zvogëluar tensionin janë më të domosdoshme se kurrë, këtu hyn edhe meditimi.
Gjumi – Sa shpesh nuk e bëjmë gjumin siç duhet? Sigurisht, ka raste kur duhet të qëndrojmë zgjuar vonë për t’u përgatitur për një prezantim të madh, por ato duhet të jenë përjashtim, jo normë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
