Kina planifikon të dërgojë një ekip në Mars në 2033 ndërsa vazhdon të rrisë ambiciet e saj hapësinore në një betejë me SHBA.
Ekonomia e dytë më e madhe në botë po planifikon misione të rregullta në Planetin e Kuq.
Ky lajm vjen vetëm disa javë pasi Kina zbarkoi një rover me telekomandë të quajtur Zhurong në Mars, duke e bërë atë të vetmin vend pas SHBA që e bëri këtë.
Hapi i parë në planet e Kinës është përdorimi i robotëve për të eksploruar Marsin për të provuar sipërfaqen e tij dhe për të ndihmuar në zgjedhjen e një vendi për të ndërtuar një bazë. Faza tjetër do të jetë dërgimi i astronautëve në Mars për të ndërtuar një stacion bazë atje. Më pas Kina planifikon të bëjë misione ngarkese në shkallë të gjerë Tokë-Mars.
Lexoni: Mbetjet e raketës kineze bien në oqeanin indian. NASA kritike ndaj Kinës
Kina ka caktuar vitet 2033, 2035, 2037, 2041 dhe 2043 për misione të tilla dhe tha se do të eksplorojë teknologjinë për të fluturuar astronautët përsëri në Tokë.
Një rrugëtim vajtje-ardhje për në Mars do të ishte një kohë fluturimi prej “qindra ditësh”, tha akademia.
Kina ka filluar ndërtimin e stacionit të saj hapësinor dhe në fillim të këtij muaji dërgoi astronautët e parë atje. Ishte hera e parë që Kina dërgoi një ekuipazh në hapësirë që nga viti 2016.
Në fillim të kësaj jave, Presidenti kinez Xi Jinping u foli astronautëve, duke i përgëzuar ata dhe duke nënvizuar se si ambiciet hapësinore të vendit mbështeten nga kreu i vendit. Hapësira është një zonë që Kina dëshiron të udhëheqë si pjesë e një beteje më të gjerë teknologjike me SHBA.
NASA thotë se ka në plan të dërgojë njerëz në Mars në vitet 2030.
/cnbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
