Eurosig, kompania e sigurimeve e drjtuar nga z.Kadri Morina ka rritur pjesën e saj të kapitalit aksioner të Bankës së Bashkuar të Shqipërisë (UBA).
Me blerjen e më shumë se 2% të aksioneve gjatë këtij muajit, Eurosig arrin të ketë gati 19% të totalit të kapitalit. Aksioneri i parë vijon të jetë Banka Islamike për Zhvillim, që kontrollon me mbi 72% të kapitalit.
Pjesëmarrja e parë e Eurosig në UBA ishte në mesin e vitit të kaluar. Kompania e sigurimeve bleu rreth 9% të aksioneve nga Banka Islamike për Zhvillim, për një vlerë gati 1 milion dollar.
Sipas drejtuesit të kompanisë, panet janë për rritje të mëtejshme të pozitës në këtë bankë. Eurosig ka investuar rreth 2.4 milionë USD deri më tani në UBA Bank.
Lexo: 3 mënyra se si të jeni konkurrues në një klimë të pasigurt
Eurosig ka shfaqur interesin e saj për futjen në tregun bankar që në shitjen e Tirana Bank. Në planet e Erosig, UBA Bank pritet të jetë e pesta bankë me kapital shqiptar në treg. Banka e Bashkuar e Shqipërisë është themeluar në vitin 1993 dhe zotëron më pak se 1% të tregut bankar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
