9 gjërat që njerëzit e suksesshëm bëjnë të premten pasdite - Business Magazine Albania

9 gjërat që njerëzit e suksesshëm bëjnë të premten pasdite


Përfundimi i javës së punës jo vetëm që do të ketë një ndikim të madh mbi atë se sa produktivë do jeni javën e ardhshme, por edhe mund të përcaktojë se sa të relaksuar do jeni gjatë fundjavës.

“Njerëzit e suksesshëm kanë tendencë t’i përmbahen rutinës në përgjithësi, kështu që nuk është çudi që njerëzit më të suksesshëm që unë njoh të ndjekin një pasdite rutinë të së premtes”, thotë Michael Kerr, një folës ndërkombëtar i biznesit dhe autor i “Humor Advantage”.

Këtu janë 9 gjërat që njerëzit e suksesshëm zakonisht bëjnë të premten pasdite:

  1. Ata reflektojnë mbi arritjet e tyre të javës

Është shumë e lehtë të zhyteni mbi atë që ju nuk e keni përmbushur, thotë Kerr. “Njerëzit e suksesshëm kanë tendencë të kujtojnë se sa shumë progres kanë bërë, edhe në qoftë se është vetëm një ‘fitore e vogël’.” “Duke pranuar dhe vlerësuar arritjet tuaja rritet niveli juaj i lumturisë.”

  1. Ata kuptojnë prioritetet e tyre për javën e ardhshme

Njerëzit e suksesshëm marrin kohë të premten pasdite për të reflektuar mbi jetën e tyre profesionale dhe personale dhe përcaktojnë tre deri në pesë prioritete kryesore që duan t’i kryejnë, thotë Laura Vanderkam, autore e “Çfarë bëjnë njerëzit më të suksesshëm para Mëngjesit dhe “I Know How She Does It.”

  1. Ata krijojnë një listë planifikimi dhe detyrash për javën e ardhshme

Ata jo vetëm kanë prioritete; ata kanë dhe plane, thotë Vanderkam. “Në qoftë se ju i caktoni çdo prioriteti një afat, gjërat janë të mundshme për t’u bërë. “Duke pasur një plan për të hënën gjithashtu rezulton në një fundjavë më të relaksuar”, shton ajo. “Lista juaj e gjërave për t’u bërë nuk do të bezdisë trurin tuaj për dy ditë.”

  1. Ata bëhen të organizuar

“Shumë njerëz të suksesshëm marrin 15 deri në 30 minuta çdo të premte pasdite për të pastruar dhe të organizojnë dosjet e tyre, e-mail-et dhe pastrojnë e organizojnë zyrën e tyre, në mënyrë që kur të kthehen do kenë një zyrë të pastër dhe të organizuar.

  1. Ata shikojnë kalendarin e tyre për javën e ardhshme

Nuk ka më keq se sa të hysh në zyrë të hënën në mëngjes dhe të zbulosh se ke një takim që fillon për tre minuta (ose ka filluar tre minuta më parë). Merrni një sekondë për të parë mbi kalendarin tuaj dhe të shikoni se çfarë keni në fillim të javës tuaj.

  1. Ata mendojnë për planet e tyre të fundjavës

Vanderkam thotë se në qoftë se nuk keni plane të fundjavës të premten pasdite, ju duhet të marrni pak kohë për të menduar se çfarë dëshironi të bëni.

“Nuk keni pse të planifikoni çdo minutë, por të keni disa gjëra që e dini që do të iu gëzojnë do të thotë që jeni gati për fundjavën,” thotë ajo.

  1. Ata planifikojnë një aktivitet argëtues të premten

Disa njerëz të suksesshëm kanë një ritual argëtues që i ndihmon ata të krijojnë një ndarje definitive mes javës së punës dhe fundjavës së tyre. “Kjo mund të jetë një koktej pasdite me një grup shokësh, një orë pune vullnetare, ose një stërvitje e planifikuar rregullisht në palestër apo lojë tenisi”, shpjegon Kerr.

  1. Ata i pranojnë arritjet e të tjerëve dhe punën e tyre

“Një lider që njoh e përdor të premten pasdite për të shkuar në zyrat e punojnësve të tij për t’i falenderuar për punën e tyre”, thotë Kerr. “Ajo thotë se duke e bërë këtë të premten pasdite jo vetëm që ndihmon punonjësit e saj të shkojnë në shtëpi të vlerësuar, më të lumtur dhe më të relaksuar, por kjo e ndihmon edhe atë të ndihet më i lumtur dhe më i relaksuar gjithashtu.”

  1. Ata iu thonë mirupafshim njerëzve rreth zyrës

Një përshëndetje e thjeshtë “Kalofshi një fundjavë të këndshme” mund të jetë diçka e mrekullueshme. “Kjo është veçanërisht e rëndësishme për udhëheqësit që t’a bëjnë dhe veçanërisht e rëndësishme në një të premte pasdite që do iu japë juve dhe njerëzve me të cilët punoni një impakt mjaft pozitiv.”

 

burimi: Motto

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0