Përfitoni nga këto pushime për të dërguar diçka të veçantë për klientët tuaj, për t’ju ndihmuar të qëndroni në mendjen e tyre për pjesën tjetër të vitit. Sezoni i festave të dhjetorit ofron një mundësi për sipërmarrësit për të forcuar marrëdhëniet me klientë të rëndësishëm, kolegë dhe median. Një shenjë e vogël vlerësimi në formën e një dhurate të fundvitit mund t’ju ndihmojë të mbani biznesin tuaj në mendjet e njerëzve. Dhuratat nuk duhet të jenë shumë të shtrenjta. Mos harroni, qëllimi është ai që ka rëndësi.
Dhuratat e preferuara të të gjitha kohërave kanë qenë shporta me çokollata dhe arra, shishe verë dhe kartolina dhuratash. Por, ka shumë opsione të tjera. Dhe për të dalluar nga turma e për të befasuar klientët tuaj, më poshtë janë disa këshilla për dhuratat tuaja:
Shmangni dhuratat tabu
Dhuratat e fundvitit nga klientët duhet të jenë profesionale. Dhurata si parfumet dhe trëndafilat e kuq mund të keqinterpretohen. Nuk janë të përshtatshme as dhuratat për shaka; Ju mund të mendoni se është humoristike, por klienti juaj mund ta shohë atë si fyese.
Personalizojeni dhuratën
Zgjidhni dhurata që pasqyrojnë interesat e klientëve tuaj. Dhuratat unike do t’ju ndihmojnë të bini në sy. Nëse keni një raport të mirë me klientët tuaj, mund të keni një ide se cilat janë interesat dhe hobit e tyre përtej punës. Nëse klienti juaj është i apasionuar pas kafesë, dërgojini atij një shumëllojshmëri kafesh të shijshme dhe të vështira për t’u gjetur.
Lexoni: Ku po shkon vlera e dhuratave?!
Jepni një përvojë
Disa nga dhuratat më të mira janë ato që mund të përdoren me familjen dhe miqtë. Biletat për një ngjarje sportive, lojë apo koncert mund t’i japin klientit tuaj një pushim të merituar.
Dhuroni për bamirësi
Nëse keni një klient që duket se i ka të gjitha, bëni një donacion për një bamirësi në emër të tyre. Dërgoni një kartolinë të shkruar me dorë dhe përfshini informacionin tuaj të dhurimit.
Bëjeni dhuratën tuaj të përdorshme
Janë të pakta dhuratat që vlerësohen vërtetë. Një stilolaps, një fletore ose një mbajtëse letrash mund të vlerësohet shumë nga një profesionist apo biznesmen. Librat e biznesit janë gjithashtu një zgjedhje e mirë.
Blini për grupin
Nëse punoni me shumë njerëz nga e njëjta kompani, blini një dhuratë për të gjithë zyrën. Një shportë e madhe me shumëllojshmëri ushqimesh të shijshme që mund të ndahen mes të gjithë anëtarëve do t’ju ndihmojë të krijoni lidhje të reja. Gjithashtu, ky opsion është më i lirë se blerja e dhuratave individuale.
Shtoni shënime të shkruara me dorë
Shënimi që përfshini në dhuratën tuaj është po aq i rëndësishëm sa vetë dhurata. Nëse keni kartolina të printuara, shtoni një mesazh të shpejtë në dorëshkrimin tuaj duke i uruar çdo klienti Gëzuar Festat. Duhet vetëm një moment dhe marrësi do të vlerësojë vëmendjen tuaj ndaj detajeve.
Dërgoni dhuratën paraprakisht
Sigurohuni që dhuratat të merren përpara datës 20 Dhjetor, pasi disa zyra mbyllen pas kësaj date.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
