8 frazat që njerëzit e zgjuar përdorin gjithmonë - Business Magazine Albania

8 frazat që njerëzit e zgjuar përdorin gjithmonë


Ne shpesh duam të jemi më i zgjuari i grupit. Personi që të gjithë e pyesin për çdo gjë. Eksperti.

Dhe është gjë e mirë. Shoqëria jonë i vlerëson ekspertët. Ajo i shpërblen ata. Ajo iu thotë të gjithëve se ata mund dhe duhet të jenë ekspertë… në çdo gjë.

Fatkeqësisht, ne e keqkuptojmë të qënurit ekspertë. Ne mendojmë se duhet t’i dish të gjitha, t’i bësh të gjitha që të quhesh i zgjuar.

Shumë shpejt fjalori jonë ndryshon. Ne harrojmë të falenderojmë të tjerët (sepse ne jemi Ai që i di të gjitha). Dhe ne e vlerësojmë veten si njeriu më i zgjuar.

Por nuk është kjo ajo që ekspertët e vërtetë bëjnë. Lexoni më poshtë frazat që ndërtojnë fjalorin e tyre.

Faleminderit!

Dëshironi të dini më shumë për njerëzit që iu rrethojnë? Të njiheni me idetë e tyre më të mëdha? Të fitoni besimin e tyre? Atëherë, thoni “të lutem” dhe “faleminderit”. Njerëzit nuk i dëgjojnë shpesh këto fjalë. Drejtuesit nuk i thonë ato mjaftueshëm.

Më fal!

Ndonjëherë ne gabojmë. Ndodh. Dhe kur ndodh, nuk do të thotë se ne jemi më pak të zgjuar vetëm se gabuam. Kur nuk i pranojmë dhe kur nuk kërkojmë falje për gabimet tona, atëherë po. Njerëzit e zgjuar i pranojnë gabimet. Pa hezituar dhe pa u turpëruar. Ata e përkrahin të drejtën për të bërë gabime.

E kisha gabim

Përveçse bëjmë gabime, ndonjëherë ne marrim vendime të gabuara. Shumë të gabuara. Por edhe kjo është diçka e pranueshme. Nëse friksohemi se mund të marrim vendime të gabuara, ne nuk kemi për të marr kurrë vendime. Ne nuk do të mësojmë dhe nuk do të rritemi si njerëz dhe si lider. Kuptoje: ti do të marrësh dhe vendime të gabuar. Thjesht mos i mbro ato. Pronoje se e kishe gabim dhe ec përpara.

Ti kishe të drejtë

Kjo është pjesa më e vështirë për disa njerëz. Shumë njerëz e kanë guximin të këkojnë falje, apo të pranojnë gabimin e tyre. Por t’i thuash dikujt tjetër: Ti kishe të drejtë? Epo, edhe kjo duhet thënë. Njerëzit e zgjuar e pranojnë kur dikush tjetër ka të drejtë. Të njëjtën gjë duhet të bëni dhe ju.

Nuk ka problem

Të thuash “nuk ka problem” i lejon njerëzit e tjerë të kenë lirinë e tyre për të gabuar dhe për të marr vendime të gabuara. Kjo tregon se dhe ata, si ju, po mësojnë dhe po rriten. T’i japësh të tjerëve të drejtën për të provuar dhe për të dështuar tregoin sa i zgjuar je ti. Këto veprime të bëjnë ty një drejtues fenomenal.

Çfarë mendon?

Ata-që-i-dinë-të-gjitha kanë përgjigje për çdo pyetje. Një zgjidhje për çdo problem. Një opinion rreth çdo subjekti. Por të jesh ai-që-i-di-të-gjitha nuk është njësoj si të jesh i zgjuar. Të pushosh për të dëgjuar mendime dhe ide të tjera është një gjykim i shëndosh. Të pranosh dhe të përkrahësh ide dhe opinione që janë më të mira se të tuat tregon inteligjencë të vërtetë.

Le të provojmë

Është e lehtë të ngecësh në analiza. Njerëzit e zgjuar bëjnë shumë kërkime për të shmangur vendimet e këqija (sa më shumë të jetë e mundur), por më pas ata lëvizin. Ata përkrahin moton: Le të provojmë. Ata e dinë se duke bërë mësohet, por edhe duke dështuar. Ata inkurajojnë dhe të tjetrët të bëjnë të njëjtën gjë.

[Asgjë]

Në rregull, kjo nuk është një frazë. Por ndonjëherë gjëja më e mirë që mund të bëni bëni është: të mos thoni asgjë. Thjesht dëgjoni. Mos ndani mendime. Mos e dominoni bisedën. Mos jepni përgjigjet. Do të bëheni më të zgjuar nëse do të dëgjoni dhe do të mësoni prej të tjerëve.

/Inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0