7 trendet e marketingut dhe mediave sociale për 2020


Mediat sociale ndryshojnë shpesh. Ndaj është e rëndësishme të njohim e të përditësohemi me të rejat.

Ndërtimi i një lidhjeje origjinale me audiencën tuaj në internet përmes informacionit të duhur dhe argëtues është gjithmonë standardi i artë në median sociale. Ja disa prej tendencave kryesore të mediave sociale në vitin 2020, të cilave është koha t’u kushtoni vëmendje.

TIKTOK vijon të rritet

TikTok ka 1.5 miliardë përdorues dhe do të vazhdojë të rritet në vitin 2020. Ky aplikacion, që shumë besojnë se është i ngjashëm me Vine (që u ble në 2012 dhe u mbyll më pas nga Twitter në 2017), mund të huazojë popullaritetin e saj. TikTok lejon përdoruesit të sinkronizojnë buzët me muzikën dhe të bëjnë koreografi me këngë të njohura, si dhe pjesë origjinale audio që janë krijuar nga përdoruesit e tjerë. Pika kryesore e TikTok është të ndajë që janë humoristike dhe pozitive dhe që i bëjnë njerëzit të qeshin. Shumë meme dhe këngë janë bërë të njohura për shkak të TikTok dhe tendenca vetëm do të vazhdojë përgjatë 2020.

Do të rritet koha që kaloni duke parë video

Sipas parashikimeve të Videove Online të Agjencisë së marketingut Zenith për vitin 2019, sasia aktuale e kohës së kaluar duke parë video në internet është 84 minuta. Studimi raporton se do të rritet vetëm deri në 100 minuta deri në vitin 2021. Përdoruesit kalojnë mbi 21 ditë në vit që duke parë video, më së shumti në celular.

Më shumë mënyra për të blerë në media sociale

Me Pinterest dhe Instagram që i lejon përdoruesit të blejnë produkte direkt përmes link-eve të blerjeve shpejt dhe me lehtësi, është më e lehtë se kurrë që përdoruesit të blejnë produkte në median sociale. Përmes AddThis, përdoruesit janë të gatshëm të jetojnë në botën e blerjeve në mediat sociale. 78% raportojnë se përdorin Facebook për të zbuluar dhe gjetur produkte të reja për të blerë. 30% thonë se janë të gatshëm të blejnë në platforma si Facebook, Twitter dhe Instagram.

Ju ose dikush tjetër, mund ta mendojë të krijojë një podcast

Koha e shpenzuar për të dëgjuar podcast në një ditë apo javë pritet të vazhdojë të rritet. Për shembull, një podcast vetëm për Ads në Facebook mund të dëgjohet më shumë se sa një podcast i ri për reklamat në mediat sociale në tërësi.

Rritje e përdorimit të AI dhe Chatbot

Përdorimi i inteligjencës artificiale (AI) dhe programimit chatbot për të ndërvepruar me klientët aktualë dhe potencialë do të vazhdojë të rritet si një metodë komunikimi në median sociale. Postimi i lidhur më parë me AddThis tregon se 70% e përdoruesve të mediave sociale do të blinin një produkt përmes një dritareje mesazhi ose chatbot. Kjo mungesë hezitimi paraqet një mundësi të vlefshme për reklamuesit e mediave sociale që dëshirojnë të arrijnë tek klientët në një mënyrë të re.

Lexo: Pesë ligjet e marketingut në mediat sociale

Detoksi digjital do të rritet

Ndërkohë që aplikacionet video dhe ato të rrjeteve sociale si TikTok do të rriten në 2020, shpenzimi i kohës në aplikacione specifike pritet të jetë më i ulët, duke na çuar drejt fenomenit të “detoksit digjital”. Sipas Smart Insights, 29% e përdoruesve heqin aplikacione të mediave sociale nga telefoni i tyre sepse ata ndihen të mbingarkuar.

Mikroinfluencerat do të sjellin ndryshimin

Krahas influencerave, po marrin rëndësi edhe mikro dhe nano influencerat, të cilët po sjellin një rritje të shitjeve online gjithashtu. Studimet kanë treguar që konsumatorët u besojnë ndikuesve (influencuesve) kur bëhet fjalë për rekomandimet dhe rishikimet e produkteve, madje edhe atyre që kanë audiencë më të vogël.

Media sociale vazhdon të ndryshojë në tendencat dhe përdorimin çdo vit. Ndaj, shpenzimi i kohës tani për të mësuar risitë e 2020, mund të ndihmojë fushatat tuaja të marketingut të marrin më shumë famë dhe rezultate.

Këtu janë disa pika që duhet të merrni parasysh:

Përdorimi i videove, mikroinfluencuesve dhe tendencave të tjera të përmendura më lart u mundëson markave të rrisin audiencën në një formë të re.

Ofrimi i produkteve për shitje në platforma shtesë si Facebook ose Pinterest e bën më të lehtë se kurrë për klientët të bëjnë një blerje.

Woobox

 

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale