Pesë ligjet e marketingut në mediat sociale

Pesë ligjet e marketingut në mediat sociale


Marketingu i mediave sociale mund të jetë shumë sfidues për ata pa përvojë të mëparshme. Ju duhet të maksimizoni cilësinë e biznesit tuaj, produktit, markës, ndërsa më e rëndësishmja – maksimizimi dhe shërbimi i klientëve tuaj. Duke ndjekur këto pesë ligje, ju mund të rrisni audiencën tuaj.

  • Ligji i dëgjimit

Sigurohuni të flisni më pak dhe të dëgjoni më shumë. Lexoni dhe bashkohuni me përmbajtjen e diskutimit të audiencës suaj. Vetëm në këtë mënyrë ju mund të krijoni përmbajtjen e duhur për audiencën tuaj dhe ta mbani këtë të fundit gjithmonë të lidhur pas publikimeve tuaja.

  • Ligji i fokusit

Përmbajtja specifike e mediave sociale ndërton një markë të fortë dhe është më e suksesshme se përmbajtja e gjerë që kërkon të jetë gjithçka për të gjithë njerëzit.

Lexo: Marketing tradicional apo marketing dixhital, kë duhet të zgjidhni?

  • Ligji i cilësisë

Është më mirë të keni më pak ndjekës që janë të përfshirë, sesa shumë ndjekës, të cilët nuk janë të angazhuar në faqen tuaj.

  • Ligji i durimit

Sigurohuni që të planifikoni një angazhim afatgjatë; mbani mend, gjërat e mira marrin kohë.

  • Ligji i përzierjes

Sa më e mirë të jetë cilësia e përmbajtjes tuaj, aq më shumë ka gjasa që audienca juaj ta ndajë atë me të tjerët në llogaritë e tyre të mediave sociale. Kjo ndarje e përmbajtjes, do t’ju japë më shumë përparësi në motorët e kërkimit.

The Marketing Agency

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0