7 aftësitë e buta që çdo shitës duhet t'i dijë - Business Magazine Albania

7 aftësitë e buta që çdo shitës duhet t’i dijë

Denis Gafuri

Sipas një studimi të Hubspot, është bërë një hulumtim për aftësitë e buta që i dallon Super Shitësit. Çfarë i dallon shitësit e mirë nga ata super të mirë?

Ndoshta nuk është zotërimi i tyre i CRM dhe as numri i email-eve të kërkimit që ata dërgojnë çdo ditë. Ato aftësi dhe detyra janë të rëndësishme, por ato nuk i mbyllin marrëveshjet me klientët. Shitësitë që godasin çdo tremujor, kanë disa gjëra të përbashkëta – aftësitë e buta, të cilat sigurojnë dhe inkurajojnë biseda produktive me klientët dhe iu sigurojnë klientëve përvojë të jashtëzakonshme me produktet e tyre.

Cilat janë aftësitë e buta në shitje?

Shkathtësitë e buta janë një grup i kompetencave ndërpersonale dhe intrapersonale që ndihmojnë një shitës të lidhet dhe të komunikojë me të tjerët, ndihmojnë shitësin të punojë në mënyrë më efikase dhe të arrijë potencialin e tij të plotë në një rol të shitjes.

  • Mendësia pozitive;
  • Përshtatshmëria;
  • Ndjeshmëria;
  • Komunikimi;
  • Përulësia;
  • Inteligjenca emocionale;
  • Qëndrueshmëria.

Mendësia pozitive – A besoni se ndërtimi i marrëdhënieve është një nga aftësitë tuaja të lindura – apo besoni se e keni zhvilluar atë përmes punës së palodhur, praktikës dhe reagimeve të jashtme? Nëse jeni kjo e dyta, atëherë, ju keni mendësi pozitive, për të forcuar dhe zhvilluar aftësi të reja me kalimin e kohës. Ndërsa, njerëzit me mendësi fikse, ata shohin dorën dhe mbeten vetëm përkufizimit të saj, si dorë. Mirëpo, për të ndryshuar mendësinë tuaj, ju duhet të ndryshoni mënyrën e perceptimit të dështimit. Mos e shikoni dështimin si turp, por, si një mësim. Nga kjo, do të fitoni diçka të re sa herë që do të luftoni sfidat me të cilat do të përballeni.

Si të zhvillojmë aftësinë e përshtatjes? – Hapi i parë është i thjeshtë: Merrni pesë minuta çdo ditë për të reflektuar mbi atë që shkoi mirë dhe ku mund të përmirësoheni. Sipas Mark Roberge, pedagog i vjetër në Shkollën e Biznesit të Harvardit, shitësit shumë të qetë janë gjithmonë duke analizuar performancën e tyre dhe duke kërkuar zona të dobëta. Në fund, komunikoni me menaxherin tuaj. Do të jetë shumë më e lehtë për ta që të vlerësojnë progresin tuaj dhe t’ju japin informacione të vlefshme për të vazhduar zhvillimin tuaj.

Si të zhvillojmë ndjeshmërinë? – Përfshin bisedën me njerëz të rinj, meditimin dhe dëgjimin aktiv, si dhe përdorni fraza të tilla si: “Unë ju dëgjoj” dhe “Kjo tingëllon vërtet sfiduese”.

Komunikimi – Midis bisedës në telefon, dërgimit të postës elektronike, dhënies së demove dhe fjalimit në takime, shumica e përfaqësuesve të shitjeve kalojnë të paktën 90% të ditës së tyre duke komunikuar. Të kesh aftësi solide të komunikimit është thelbësore. Ju duhet të jeni në gjendje të kuptoni qartë dhe bindshëm idetë tuaja.

Si të zhvillojmë aftësitë e komunikimit? – Rishikimi i bisedave tuaja ju jep mundësinë për të analizuar reagimet e klientëve tuaj. Pasi të keni gjetur pikat e dobëta në metodat tuaja të komunikimit, mund të përshtateni në përputhje me rrethanat.

Përulësia – Kur jeni mjaft modest për të zbuluar një cënueshmëri ose pranoni se nuk dini diçka, klientët tuaj menjëherë do t’ju besojnë dhe respektojnë më shumë. Si rezultat, ata do t’ju shohin si një këshilltar të besuar, apo edhe një partner në suksesin e tyre. Kur diçka shkon keq, mos përdorni gjuhë që ia hedh fajin njerëzve të tjerë ose faktorëve të jashtëm.

Lexoni: 10 mësime për shitjen nga Denis Gafuri, pas konferencës më e madhe për shitjet në botë – 10X GROWTH

Inteligjenca emocionale – Pasja e inteligjencës së lartë emocionale (EQ) ju bën një mjeshtër të komunikimit dhe ndërtimit të raportit me klientët. EQ ka gjashtë elemente:

  1. Ndërgjegjësimi emocional;
  2. Vetëbesimi;
  3. Vetë-kontrolli;
  4. Përshtatshmëria;
  5. Ndikimi;
  6. Udhëheqja.

Me EQ të lartë, përmbushja e objektivave tuaj është shumë më e lehtë – sepse njerëzit natyrshëm duan t’ju ndjekin. Ndërtimi i EQ kërkon që ju t’i kushtoni vëmendje të kujdesshme emocioneve tuaja në çdo kohë. Pyete veten: “Çfarë po ndjej tani? Pse ndihem kështu? A kam ndjerë të njëjtin emocion kohët e fundit dhe a kishte ndonjë shkak të ngjashëm?”. Pasi të keni arritur vetë-ndërgjegjësimin, vetë-kontrolli do të vijë organikisht.

Qëndrueshmëria – Testi i vërtetë i rezistencës nuk është se si e trajtoni një situatë të keqe, por se si vazhdoni më pas. Shitësit përballen me refuzimin më të madh çdo ditë. Qëndrueshmëria ndihmon për të arritur qëllimet e tyre përpara vështirësive. Elasticiteti i komunikimit nuk do të thotë të injorosh ndjenjat negative ose të pretendosh se një telefonatë e vështirë shitjesh nuk ka ndodhur kurrë. Kjo vjen me kohën. Sa më rehat të bëheni me refuzimin, aq më shumë mundësi do t’ju duhet të përpunoni ndjenjën dhe të filloni përsëri me klientin tjetër të mundshëm. Shitësit e suksesshëm e dinë që thirrja e tyre e ardhshme mund të jetë marrëveshja e tyre e ardhshme e mbyllur me suskes.

Kështu që jepu atyre klientëve mundësinë për të parë ty, kompaninë që përfaqëson dhe produktin që shet në kohën më të mirë të mundshme.

Lexoni: Çfarë tiparesh duhet të ketë një punonjës i mirë?

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0