Ish ministri i Financave Arben Ahmetaj, ka propozuar në rolin e Kryetarit të Komisionit të Ekonomisë një ndryshim në ligjin për TVSH-në. Me këtë ndryshim, synohet të përfshihet në taksa edhe Tatimit mbi Vlerën e Shtuar për reklamat në median online. Projektligji dhe relacioni që pritet të diskutohen në komisionet parlamentare, parashikojnë një TVSH të reduktuar në 6%.
Objektivi, sipas deputetëve të së majtës, është barazimi i taksimit mes mediave audiovizuale dhe atyre online në nivelin 6%.
Një pikëpyetje e madhe lind me zbatimin e këtij ligji. A do të jetë ai vetëm për mediat online shqiptare, apo do të mund të aplikohet edhe në faqet ndërkombëtare të internetit, ku sipërmarrës shqiptarë bëjnë reklamë.
Disa ekspertë në fushën e IT-së, thonë se ky sistem taksimi mund të rrezikojë të taksojë reklamat në mediat shqiptare dhe po të njëjtat reklama në një media të huaja nuk mund të aplikohen.
Në lidhje me Tatimin mbi Vlerën ë Shtuar, vitin e kaluar ka pasur një sërë ndryshimesh, duke sjellë edhe një amulli në aplikimin e taksave të reja. Taksimi i reklamave online, rrezikon të rrisë vështirësitë për taksapaguesit por edhe tatimorët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
