Elona Lopari është një Coach, që ndihmon pronarët dhe organizatat e bizneseve të bëhen influencues në fushën e tyre dhe të arrijnë majat në biznesin e tyre.
Ajo bashkëpunon me CEO të bizneseve të vogla dhe korporatave të mëdha për t’i ndihmuar të krijojnë dhe të zbatojnë një plan që rrit fitimet, ul stresin dhe arrin rezultatet e dëshiruara. Elona ka mbi 20 vjet përvojë në menaxhimin operacional në industritë e shumta në fushën e shërbimeve.
“Kuptimi i 6 themeleve në rritjen e një biznesi të fuqishëm është thelbësor në krijimin e të ardhurave dhe ndikimit që kërkoni si një sipërmarrës”, thotë Elona.
Themeli i parë është mentaliteti juaj. Për të rritur një biznes të tillë, duhet të keni një mentalitet afatgjatë dhe të fuqishëm. Duhet të jeni në biznesin tuaj për një kohë të gjatë dhe të lidhni vizionin dhe misionin e biznesit tuaj me vizionin dhe misionin tuaj personal të jetës. Kur këto dy gjëra lidhen dhe jeni emocionalisht të lidhur me arsyen PSE dëshironi të keni ndikimin që dëshironi të keni me biznesin tuaj, atëherë sfidat e përditshme që hasen në rrugën tuaj do të jenë, trajtohen dhe menaxhohen më lehtë.
Themeli i dytë është marka ose thënë ndryshe, pozicionimi. Çdo gjë në jetë dhe në biznes ka lidhje me pozicionimin. Duhet të jeni në gjendje të poziciononi veten me markë personale. Kjo është e ngjashme me biznesin dhe ofertat tuaja. Duhet të keni autoritet në treg. Prandaj, branding i vetes dhe kuptimi se si të shprehni çfarë bëni dhe pse e bëni është e rëndësishme për të folur në gjuhën e audiencës suaj. Gjithashtu, mund të konsideroni çfarë është vlera që ofroni në treg, përmes modelit tuaj të biznesit, i rëndësishëm për t’ju ndihmuar të dalloni nga të tjerët që ofrojnë gjëra të ngjashme. Të qenurit i sigurt që jeni pjesë e historisë së markës tuaj, mesazhi juaj pse bëni atë që bëni, janë të gjithë komponentë të rëndësishëm që përbëjnë pemën tuaj të përgjithshme të markës personale. Doni që njerëzit të ndërtojnë besim tek ju dhe kjo është mënyra si bëheni i njohur, kështu që njerëzit mund të fillojnë të ndërtojnë një marrëdhënie sa më afatgjatë, të qëndrueshme dhe të vlefshme me ju.
Korniza e tretë e trashëgimisë është marketingu. Kam mësuar në karrierën time dhe në përvojën time, që mund të jeni të shkëlqyer në atë që bëni, mund të keni një ofertë të mrekullueshme, mund të keni një zgjidhje të shkëlqyer për problematikën që dëshironi të zgjidhni në treg, ose për çfarë dëshironi të sillni në botë në përgjithësi. Megjithatë, nëse nuk kuptoni se si të reklamoni veten dhe biznesin tuaj, atëherë natyrisht nuk mund të keni ndikimin dhe të ardhurat që kërkoni. Prandaj, marketingu është themeli tjetër që duhet të mësoni si një sipërmarrës. Marketingu është i lidhur me marrëdhënien e ndërtuar tashmë me autoritetin dhe strategjinë për të shtuar vazhdimisht vlerë në jetën e njerëzve që dëshironi të shërbeni në përgjithësi. Ky është funksioni kryesor që ka marketingu në ndihmën tuaj për të qëndruar konsistent dhe të mbani vëmendjen e audiencës që dëshironi t’i shërbeni.
Themeli tjetër është shitja. Shitja është ajo që vërteton në fund midis mentalitetit tuaj, branding-ut, marketingut dhe kur arrini në pjesën e shitjes kjo është ajo ku mësoni se si të lidhni të gjitha pikat e mëparshme midis të tjerash në mënyrë që të mbyllni dhe të mbani klientin tuaj ideal në një afat sa më të gjatë. Në thelb, kjo është shitja. Dhe është shumë e rëndësishme të kuptoni se si të keni një proces shitjeje shumë intuitiv, autentik dhe me zemër në biznesin tuaj, që bën sens për ju dhe është në përputhje me ju në mënyrë të brendshme, kështu që nuk ndiheni sikur shitja është diçka e pakëndshme dhe ju bën të refuzoni atë.
Themeli tjetër janë sistemet. Krijimi i sistemeve dhe proceseve në biznesin tuaj ju lehtëson punë. Duke qëndruar të vetëdijshëm për detyrat që përsëriten është e rëndësishme për të ditur se si t’i delegoni ato. Për të deleguar, pastaj mund të vendosni cilin mjet automatizimi të implementoni ose cilin anëtar të ekipit të sillni në bord. Sistemet gjithashtu ju ndihmojnë të siguroheni që mund të bëni biznesin tuaj të skalueshëm. Nëse nuk bëhet mirë, ju keni rrezikun e “burnout-it” ose mungesën e qëndrueshmërisë afatgjate.
Themeli i fundit është përzgjedhja e ekipit të duhur. Sigurisht që kërkon një ekip të mirë për të ndërtuar ëndrrën. Për të qëndruar në përputhje me aftësitë tuaja, ju nevojitet mbështetja e një ekipi që mund t’ju plotësojë, kështu mund të përdorni aftësitë tuaja, shkathtësinë dhe kohën për të qenë në gjendje të keni biznesin që mbështet synimet dhe vizionin tuaj personal të jetës.
Për ta përmbyllur, këto janë themelet që duhet të implementoni në biznesin tuaj në mënyrë që të ndërtoni një bazë të fortë. Kjo është ajo që bëjnë markat e mrekullueshme që tashmë i njihni, i doni dhe i ndiqni.
Artikulli u publikua më parë në faqen 70 të numrit 33 të revistës Business Magazine Albania.
Abonohu për të lexuar edhe artikujt e tjerë të revistës .
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
