5 pyetje për një rinisje - Business Magazine Albania

5 pyetje për një rinisje

5 pyetje për t’iu përgjigjur për të nisur të Hënën

Teksa vera ka hyrë, fundjavat e gjata të pushimeve ju ofrojnë mundësinë për të reflektuar dhe për të ecur përpara në karrierën tuaj, duke bërë pyetjet më poshtë.

  1. Çfarë dua?

Edhe pse duket e thjeshtë, kësaj pyetjeje nuk është e lehtë t’i jepni përgjigje. Disa luftojnë me pasiguritë dhe frikërat për të njohur dëshirat e tyre të vërteta; të tjerët nuk kanë pasur kohë t’i përgjigjen kësaj pyetje sepse kanë qënë të zënë duke punuar gjithë kohën.

Çelësi për t’iu përgjigjur kësaj pyetjeje është të jeni të qartë për gjërat që kanë më shumë rëndësi për ju. Duhet një analizë e kujdesshme e vetes, dhe here pas here, një kontroll faktesh: a dëshironi vërtet dhe a jeni të gatshëm të bëni atë që duhet për ta arritur?

Kjo mund të jetë koha e përkryer “për të rikrijuar veten” dhe ju mund ta shfrytëzoni atë për të bërë atë që keni dashur në fillim të karrierës suaj.

Elementi më  i rëndëishëm këtu është të jeni sa më të qartë. Ju nuk mund të ecni përpara nëse nuk jeni të qartë dhe nuk e dini se çfarë kërkoni.

  1. A janë veprimet e mia në përputhje me qëllimet e mia?

Të jeni të qartë për atë që dëshironi nuk është e mjaftueshme; ju duhet të mundoheni që veprimet tuaja të jenë në përputhje me qëllimet tuaja.

Lexo: Si të negocioni pagën me inteligjencë

Vetëndërgjegjësohuni për të kuptuar se si i kaloni ditët tuaja. Mos e shpërdoroni kohën tuaj dhe pyeteni veten rregullisht nëse ato që po bëni janë në përputhje me qëllimet tuaja afatshkurtra ose afatgjata.

  1. Çfarë ndryshimesh duhet të bëj për të mbështetur qëllimet e mia?

Ambienti juaj, i cili përfshin miqtë, kolegët, zakonet dhe mënyrën e jetesës, ndikon te ju shumë më shumë sesa mund ta mendoni, për mirë ose për keq.

Nëse ambienti juaj po ju pengon që të përmbushni qëllimet tuaja, hiqni dorë prej tij.

Mos harroni se nëse nuk përpiqeni për të ndryshuar diçka që nuk ju pëlqen, atëherë ju po e zgjidhni vetë për ta vazhduar atë.

  1. A jam duke e prezantuar veten ashtu siç duhet?

Në ditët e sotme, LinkedIn është vendi i parë që shumë punëdhënës i referohen kur duan të shtojnë apo ndryshojnë stafin e punonjësve të tyre. Nëse nuk e keni përditësuar profilin tuaj kohët e fundit, ose historiku i punësimit është i paplotë ju duhet ta ndryshoni menjëherë atë por kini parasysh që të hiqni informacionin e panevojshëm që nuk përputhet me qëllimet tuaja.

  1. Çfarë po më ndalon të ndërmarr veprime?

Megjithëse mund të tundoheni të fajësoni shefin tuaj të keq apo pandeminë, ajo që po ju pengon nuk është faktor i jashtëm por është i brendshëm. Pengesa numër një e suksesit është frika.

Frika është një emocion i fuqishëm. Shpesh përdoret  si një mur mbrojtës nga gjërat që mund të na bëjnë keq. Por ndonjëherë, dëmi i vërtetë vjen nga mosveprimi që shkakton frika.

Deri në momentin kur të merrni përgjegjësinë për rrugën tuaj drejt rritjes profesionale, gjithçka do të mbetet e njëjtë. Për të ecur përpara, ju duhet guxim për të pranuar dhe hequr dorë nga frika juaj.

Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0