5 këshilla për një video-intervistë të suksesshme

5 këshilla për një video-intervistë të suksesshme


Intervistat me anë të videove po bëhen gjithmonë e më shumë popullore ditët e sotme. Derisa kompanitë duan të gjejnë talentin më të mirë, intervistat me video u japin atyre një mundësi për të xhiruar kandidatët pa i bërë ata të udhëtojnë. Në këtë mënyrë punonjësit mund të kursejnë para dhe kandidatët mund të kursejnë kohë. Gjithashtu, kandidatët kanë komoditetin e realizimit të intervistave nga shtëpia. Si kandidat, nëse nuk je mësuar me një video-intervistë, më poshtë janë disa këshilla të dobishme që ju të përgatiteni edhe për to.

1. Zgjidhni një vend të përshtatshëm
Sigurohuni që të intervistoheni në një dhomë të përshtatshme ku nuk do të ketë zhurma dhe ju nuk do të shpërqëndroheni. Nëse keni kafshë shtëpiake në shtëpi, mbajini ata në një dhomë tjetër gjatë intervistës. Një qen që leh ose një mace që mjaullin në sfondin e intervistimit nuk ju bën të dukeni shumë profesional. Gjithashtu, një faqe muri e bardhë është ideale për intervistat e punës nëpërmjet videove.

2. Testojini pajisjet e intervistimit para intervistës
Testoni të gjitha pajissjet përfshirë kufjet, mikrofonin dhe lidhjen e internetit për t’u siguruar se ato funksionojnë siç duhet. Vendosni kamerën tuaj në mënyrë që të të fokusohet në nivelin e shikimit tuaj. Verifikoni se zëri juaj është i qartë. Ju mund ta testoni atë duke bërë një videothirrje me një mikun tuaj. Gjithashtu konfirmoni se dëgjoni personin tjetër nëpërmjet kufjeve.

3. Zgjidhni veshjen e duhur
Disa vishen vetëm në pjesën e sipërme, ndërsa në pjesën e poshtme veshin pizhama! Duhet të keni parasysh se nëse lëvizni në vendin ku jeni ulur, intervistuesit mund të shikojnë se çfarë keni veshur në pjesën e poshtme, kështuqë pavarësisht rrethanave, vishuni që të dukeni profesionistë.

4. Bëni kujdes për panoramën e ekranit
Nëse ata ju pyesin që ju të ndani ekranin tuaj dhe të performoni disa detyra mbyllni të gjitha dritaret tuaja të dialogimit dhe parandaloni që ato të dalin (në formën e pop-up) në ekran. Minimizoni ose mbyllni të gjithë shfletuesit e internetit. Nuk është një ide e mirë të përdorni një motorr kërkimi për ndihmë vetëm nëse ata (intervistuesit) ju lejojnë që ta bëni një gjë të tillë.

5. Kini parasysh me shprehjet tuaja të fytyrës
Nëse ata përdorin një ekran televizori ose një monitor të madh për të udhëhequr intervistën, atëherë fytyra juaj do të duket më e madhe se ç’është normalisht. Prandaj, shprehjet tuaja të fytyrës do të bëhen më të rëndësishme gjatë intervistës. Kini kujdes se çfarë mund të transmetojnë shprehjet e fytyrës te intervistuesit. Dëgjojeni personin tjetër “me sy.” Mund edhe të tundni kokën një herë në ca kohë për të treguar se ju po i dëgjoni.

 

/Artikulli ka autor Ceren Cubucku, Publikuar nga Entrepreneur.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0