Gjirafa.com është motorri i parë kërkimor në Gjuhën Shqipe, që falë punës së palodhshme dhe zhvillimit të vazhdueshëm ka arritur një sukses të jashtëzakonshëm.
Lexoni: Gjirafa fiton vendin e parë në Silicon Valley
Gjirafa u lançua për herë të parë në datën 9 Tetor 2014. Sot ajo numëron rreth 80 anëtarë të ekipit dhe përdoruesit kanë mundësi të kërkojnë më shumë se 160 milionë faqe në gjuhën shqip nga i gjithë interneti, si dhe më shumë se 10,000 lajme ditore nga të gjitha portalet shqip.
Themeluesi dhe CEO i gjirafa.com, Mërgim Cahani shpreh mirënjohje dhe falënderon të gjithë ata që e kanë mbështetur gjatë këtij rrugëtimi nga themelimi e deri sot, përmes një postimi në facebook.
“Nëse në shtetet e zhvilluara i ke të gjitha ato shërbime online, pse mos t’i kemi edhe ne? Ne, jo vetëm që mendojmë se kjo është e mundur, por edhe kemi treguar në vazhdimësi që jemi duke e bërë dhe nuk do të ndalemi,” përfundon fjalën e tij Mërgimi.
Nuk na ngelet gjë tjetër për të thënë veçse t’i urojmë shumë suksese dhe sa më shumë vite të tjera plot sukses Gjirafa.com dhe stafit të saj.
Lexoni: Startup-i shqiptar Gjirafa.com merr $2 milionë investim
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
