3 sipërmarrës shqiptarë bëhen pjesë e programit YTILI 2018

3 sipërmarrës shqiptarë bëhen pjesë e programit YTILI 2018


Departamenti i Shtetit dhe Fondi Gjerman Marshall shpallën fituesit e programit YTILI për vitin 2018! Keti Gjipali dhe Pezana Rexha dy sipërmarrëset nga Shqipëria, janë midis finalistëve!

Programi i ‘Iniciativës së Liderëve të Inovacionit Transatlantik’ (YTILI) mbështetet në zbatimin e tij nga Fondi Gjerman Marshall i Shteteve të Bashkuara (GMF).

YTILI mbledh sipërmarrës në rinj europianë në Shtetet e Bashkuara, për një program të plotë shkëmbimi, dialogu dhe udhëheqjeje nga mentorë që nxisin aspiratat sipërmarrëse.

Ideja është të mblidhen rreth 100 sipërmarrës nga Europa nga rreth 50 vende në USA dhe ti ndihmojnë ata të ndërtojnë rrjetin e tyre të kontakteve me Europën dhe Amerikën dhe të eksplorojnë tregun Amerikan.

Programi përbëhet nga dy pjesë: një udhëtim tre javor në USA dhe takimi final në Berlin në vitin pasardhës.

Pezana Rexha është themeluese dhe CEO e sipërmarrjes Design by Pana, një biznes social i cili kërkon të ruajë vlerat e paçmuara të drurit natyral dhe t’i japi jetë sërisht atij, duke mundësuar, ndërkohë, që individë të ndryshëm nga grupe të marxhinalizuara, të kenë mundësi të punojnë dhe të jenë të aftë të përballen me jetën.

Ndërkohë Keti Gjipali është një sipërmarrëse e re, por shumë premtuese. Falë pjesëmarrejes së saj aktive në aktivitetet sipërmarrëse në Tiranë dhe eksperiencave të saj të punës në industri të ndryshme dhe kompani mediatike, tani ajo drejton biznesin e saj të marketingut AGOG, të specializuar në Marketingun e Medias Sociale për SME-të.

Lista me 72 pjesmarrës nga e gjithë Europa, kryesohet nga Keti dhe Pezana por gjithashtu dhe një sipërmarrës tjetër kosovar ka arritur të bëhet pjesë e programit. Ai është Lorik Mullaademi.

Loriku është drejtuesi kryesorë dhe bashkë-themelues i Sogody, një kompani me eksperiencën më të mirë në shërbimet dixhitale dhe zhvillimin e produktit. Shërbimet që ajo ofron janë kryesisht Fintech, Martech, dhe Business & Data Intelligence.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0