Me botën që përballet me një valë të re të pandemisë, bizneset po konsiderojnë rivendosjen e markave dhe kërkesave të tjera për punonjësit. Bizneset po përgatiten për më të keqen përsëri.
Vonesa për kthimin në zyrë
Kompanitë si Apple, të cilat nuk e bënë punën nga shtëpia të përhershme, po mendonin të ktheheshin në zyrë. Javën e kaluar, Apple e zgjati datën e kthimit deri në tetor për shkak të variantit Delta, sipas The Wall Street Journal.
Kompanitë e tjera të mëdha po i përmbahen planeve të tyre, ndërsa monitorojnë kushtet. Facebook ende synon të hapë shumicën e zyrave të tij në SHBA me gjysmë kapaciteti në shtator, dhe pastaj plotësisht në tetor. Drejtuesit në Citigroup thanë se ndërsa kompania pret që punonjësit të kthehen në shtator, ata po flasin në mënyrë aktive me ekspertë të shëndetit dhe do të marrin parasysh kushtet në atë kohë.
Lexoni: Vjeshta e “Deltave”
Maskat po kthehen, pavarësisht nga statusi i vaksinimit
Më 27 korrik, Qendrat për Kontrollin dhe Parandalimin e Sëmundjeve (CDC) njoftuan udhëzime të reja duke vënë në dukje se individët e vaksinuar në pjesë të caktuara të vendit duhet edhe një herë të vendosin maska në ambientet e brendshme. Bizneset ka të ngjarë t’i përmbahen udhëzimeve, nëse nuk i kanë ndryshuar javët e fundit politikat e tyre.
Gjithashtu mirë do të ishte të blini maska sa më shpejt të jetë e mundur, sepse shitësit kanë filluar të shohin një rritje të kërkesës. Brian Wolin, CEO i Protective Health Gear, një prodhues i maskave N95 me bazë në New Jersey, thotë se kompania, në javët e fundit, ka përjetuar një rritje prej 50 % të shitjeve si nga individët ashtu edhe nga bizneset.
Madje disa ekspertë po bëjnë presion për përdorimin e maskave me cilësi të lartë, siç është N95, në krahasim me maskat procedurale prej rrobe për shumicën e punonjësve publikë. “Delta është aq ngjitëse saqë kur flasim për maska, nuk mendoj se duhet të flasim vetëm për maska,” tha Scott Gottlieb, ish-komisioner i Administratës së Ushqimit dhe Barnave.
Përpjekja për vaksinimet e detyrueshme po rritet
Ndërsa shumë biznese kanë qenë në mëdyshje për të detyruar kryerjen e vaksinave për shkak të shqetësimeve ligjore, si dhe largimit të mundshëm të punonjësve, shumë prej tyre tani po marrin masën për shkak të shqetësimeve të mëdha shëndetësore dhe presionit nga zyrtarët. Të Premten e kaluar, Kryebashkiaku Bill de Blasio u bëri thirrje bizneseve private të New York që të kërkojnë që punonjësit e tyre të vaksinohen, edhe pse afërsisht 71% e tyre kanë bërë të paktën një dozë të vaksinës.
“Nëse njerëzit duan liri, nëse njerëzit duan punë, nëse njerëzit duan të jetojnë përsëri, ne duhet të vaksinojmë më shumë njerëz,” tha de Blasio të Premten.
/inc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
