3 gjërat që ndikojnë në mënyrë të fshehtë në shëndetin tuaj kur udhëtoni
Përditësuar së fundmi: 16/08/2019

3 gjërat që ndikojnë në mënyrë të fshehtë në shëndetin tuaj kur udhëtoni

Share
nga Ornela Trupja
Gus 16, 2019

Ne të gjithë jemi të rrezikuar nga ana shëndetësore kur udhëtojmë. Kjo vjen si pasojë e ndryshimit të klimës, apo nga ushqimet që do të konsumoni në vendin ku po udhëtoni. Janë edhe insektet në lokale të ndryshme, që mund të çojnë në disa sëmundje.

“Ka kaq shumë faktorë që ndikojnë në shëndetin tuaj gjatë udhëtimit,” tha dr. Charles Brenner. “Disa efekte janë të dukshme, ndërsa të tjera ndikojnë negativisht trupin në një nivel qelizor dhe kontribuojnë negativisht në gjendjen tuaj në kohën kur udhëtoni. Sipas Brenner, ja cilët janë tre stresuesit sekretë, që nxiten nga udhëtimi.

Çrregullimi i orës

“Trupi juaj ka një ritëm ciklik të lidhur me lindjen e diellit, perëndimin e diellit dhe mjedisin tuaj në shtëpi”, tha Brenner. “Kur udhëtoni, ritmi juaj prishet dhe kjo është veçanërisht e vërtetë kur udhëtoni në zona me ndryshime kohore”. Ndryshimi kohor mund t’ju bëjë të ndiheni letargjikë dhe të shkaktojnë sëmundje si gastro intestinale. Mund të jetë edhe më keq nëse ndryshoni shpesh zonat kohore.

Cili është ilaçi? “Nëse po ndryshoni zonat kohore, merrni parasysh vënien e orës tuaj në zonën kohore të destinacionit tuaj para se të niseni”, tha Brenner. “Në varësi të faktit nëse jeni duke fluturuar në perëndim ose në lindje, mund të jetë koha të përpiqeni të prisni dhe të flini ose të qëndroni më vonë për të lehtësuar rregullimin tuaj dhe për të shmangur lodhjen që shkaktojnë udhëtimet me avion”.

Dehidratim
Një problem veçanërisht i bezdisshëm kur fluturon është dehidrimi pa dyshim, i cili mund të pengojë funksionimin e duhur të qelizave dhe organeve tona. “Ka lagështi të ulët në kabinat e aeroplanit”, tha Brenner. Lagështia e ajrit në bord është më e ulët krahasuar me lagështinë që ne zakonisht përjetojmë në tokë. Plus, nëse po pini kafeinë dhe alkool, kjo zvogëlon dehidratimin e trupit tonë.

Për të siguruar që të qëndroni të hidratuar, mbani në mend disa gjëra. “Pini shumë ujë”, tha Brenner. Jini të kujdesshëm ndaj ushqimeve që largojnë lagështinë nga trupi juaj, të tilla si frutat e thata, arrat e kripura, patate të skuqura dhe ushqime të përpunuara me përmbajtje të lartë të natriumit”.

Lexo: 5 mënyra se si udhëtimet ju ndryshojnë

Qarkullimi i dobët i gjakut

Pasiviteti dhe presioni i ulët i ajrit në kabinë mund ta bëjnë më të vështirë qarkullimin e gjakut nga këmbët tuaja në zemrën tuaj. Kjo jo vetëm që mund të ndikojë në fryerjen e këmbëve dhe kyçeve, por mund të çojë në kushte më të rënda si një lloj i mpiksjes së gjakut të quajtur trombozë e venave të thella (DVT). Nëse ajo mpiksje “udhëton” në mushkëri, mund të çojë në vdekje.

“Është e rëndësishme të qëndroni sa më aktivë”, këshilloi Brenner. “Marrja e vendimit para kohe për të veshur veshje të lire, përkundrejt rrobave të ngushta, mund t’ju ndihmojë të mbani qarkullimin e mirë të gjakut gjithashtu dhe parandaloni mpiksjen e rrezikshme.

Forbes



Evente

Një hap drejt Suksesit!

Dhjetor 14, 2019
09:00 - 17:00