3 gjërat që e kanë bërë Kobe Bryant një nga lojtarët më të mëdhenj të të gjitha kohërave


Besnikëria, etika e punës dhe mendjemprehtësia janë gjërat për të cilat kanë nevojë të gjithë sipërmarrësit.

Kobe Bryant nuk ishte lojtari im i preferuar. Me shumë gjasa, as i juaji. Megjithatë, të gjithë e dinë se ai ka qenë një nga më të mirët.

Kobe i mundësoi skuadrës së tij shumë suksese dhe gjithashtu theu shumë rekorde dhe fitoi çmime personale. Ai e ndërtoi karrierën e tij mbi bazën e këmbënguljes, zellit dhe aftësive. Këto janë pikërisht edhe aftësitë që sipërmarrësit duhet t’i zhvillojnë.

Nëse e shohim nga konteksti i biznesit, suksesi që ka pasur Kobe në terren mund të krahasohet me Mark Zuckerberg ose Elon Musk. Ai nuk është Jeff Bezos, Warren Buffett ose Bill Gates, ai do ishte njësoj si Michael Jordan. Si një nga më të mirët e të gjitha kohërave, mënyra sesi ai ka luajtur, nuk ka të krahasuar me asnjë lojtar tjetër.

Këto janë tre nga mësimet që Kobe i ka dhuruar botës së biznesit nga karriera e tij:

Rri besnik dhe i qëndrueshëm

Kobe luante gjithmonë. Ai nuk kërkonte asnjëherë një natë pushim.

Për më tepër, ai qëndroi një Laker përgjatë gjithë karrierës së tij. Jo shumë atletë luajnë për të njëjtën skuadër për më shumë se 20 vite. Bryant përpiqej gjithmonë për të bërë më të mirën në çdo situatë. Qartësia e tij psikologjike dhe vetëkontrolli e lejuan të kapërcente kohërat e vështira dhe të ndërtonte jetën që donte.

Ai nuk hoqi dorë edhe kur situatat përkeqësoheshin ose nuk ishin në periudhën më të mirë të mundshme. Ai bënte atë që duhej të bënte për të përmirësuar çdo gjë gjatë viteve. Ky është një tregues i këmbënguljes së vazhdueshme.

Nëse praktikoni të njëjtin nivel besnikërie dhe e aplikoni atë tek stafi dhe klientët tuaj, do arrini të korrni sukses.

Praktikohu dhe trajnohu më shumë se gjithë të tjerët

Kobe trajnohej më gjatë dhe me më shumë kujdes se të tjerët. Edhe shoku i tij i skuadrës, Shaq ka thënë se Kobe praktikonte të gjitha lëvizjet e tij pa top, për orë të tëra, duke e vizualizuar punën e tij fizikisht. Historitë rreth përkushtimit të tij janë legjendare. Nga ato për të cilat Gary Vaynerchuk do ishte krenar. Histori sesi ai bëhej gjithmonë qull në djersë në orën 5 të mëngjesit, çdo ditë edhe pasi u bë All-Star, kampion i NBA dhe Olimpik. Histori sesi gjatë gjithë karrierës së tij nuk lejoi kurrë asnjeri që ta mposhte në palestër dhe largohej gjithmonë i fundit nga palestra. Histori sesi, në ditët e ndeshjeve, bënte 800 prova para se të fillonte.

Kobe e bënte punën e tij me nje etikë të “çmendur”. Pasioni dhe energjia gjithmonë shkëlqejnë. Nëse e do diçka, duhet të punosh për të.

Lexo gjithashtu: 15 thënie frymëzuese të Kobe Bryant, nga karriera e tij legjendare

Mprehtësia juaj mendore dhe emocionale janë komponenti kryesor

Kobe arrinte të kontrollonte çdo situatë. Edhe kur nuk ishte as faji dhe as problemi i tij, ai i mbante nën kontroll situatat. Ai sigurohej jo vetëm të vepronte, por edhe ta përvetësonte rezultatin e diçkaje psikologjikisht. Nëse loja ishte në vijën e duhur, ai donte të gjuante. Gjithmonë ruante lojtarin më të mirë të skuadrës kundërshtare. Ai asnjëherë nuk ua kalonte përgjegjësinë të tjerëve për gjëra që mund t’i bënte vetë. Kur është pyetur sesi i kapërcente pengesat, Kobe është përgjigjur: “Cdo gjë negative, presioni, sfidat, janë një mundësi për mua që të rritem”.

Nëse të gjithë sipërmarrësit do e pranonin këtë nivel përgjegjshmërie për punën e tyre, do kishte më shumë performacë pozitive në biznes. Sipërmarrësit ulen dhe ngrihen vetëm në bazë të guximit mendor personal. Tendenca e tyre për të mos pranuar ndikues të jashtëm ndikon në besimin e tyre të brendshëm. Kobe udhëhiqej nga dëshira e tij personale për të bërë më të mirën dhe për të fituar.

Kobe ka thënë: “Unë do bëj çdo gjë që duhet për të fituar lojën, edhe nëse do më duhet të ulem në një stol dhe të tund peshqirin, t’i jap ujë shokut të skuadrës apo të bëj gjuajtjen përfundimtare të fitores”.

Nëse doni të fitoni njësoj si Kobe, duhet të jeni të qëndrueshëm, të punoni fort dhe të zhvilloni mprehtësinë mendore. Pra e thënë shkurt, kur doni të fitoni do ta gjeni rrugën drejt suksesit, sepse mendja dhe veprimet tuaja nuk do të lejojnë gjë tjetër përveçse fitore.

Thrive Global

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale