3 Gabimet tipike të menaxherëve të rinj (dhe si ti shmangni ato)

3 Gabimet tipike të menaxherëve të rinj (dhe si t’i shmangni ato)


Çdo menaxher i ri do të bëjë gabime.

Gjërat mund të mos jenë të natyrshme për ju në fillim. Veçanërisht nëse është hera juaj e parë në një rol menaxherial. Kjo mund të jetë hera e parë që të tjerët mbështeten tek ju, ose e keni për detyrë të mbikëqyrni një ekip shumë të madh; përqafoni atë ndjenjën e pakëndshme të fillimit dhe kujtojini vetes që jeni akoma duke u rritur.

Asnjëherë mos i shihni gabimet tuaja si negative ose të dëmshme për karrierën tuaj; gjithmonë konsideroni ato një përvojë mësimore dhe vlerësojini si të tilla kur ato ndodhin. Shpesh është e vështirë të fillosh punën në një kompani të re, por gjërat bëhen më të lehta me kohë.

Këtu janë tri nga këshillat më të mira për të shmangur disa prej gabimeve më të zakonshme që pothuajse të gjithë menaxherët e rinj i bëjnë.

  1. Njihuni me ekipin tuaj.

Të njihesh me ekipin është shumë më tepër sesa mësimi i disa emrave. Të marrësh kohën për të krijuar besim është thelbësore kur e fillon si menaxher i ri. Kjo do të të sigurojë një ekip të fortë dhe një mjedis pune më të shëndetshëm.

Provoni të flisni me punonjësit tuaj një për një. Zbuloni cilat janë qëllimet e tyre afatshkurtra dhe afatgjata (qoftë me kompaninë ose jashtë saj) dhe shihni nëse mund t’i ndihmoni për t’i realizuar ato aspirata.

Për t’u bërë menaxher i fortë duhet të jesh një dëgjues i mirë dhe të jesh gjithmonë i hapur për ndonjë ide apo shqetësim që mund të kenë anëtarët e ekipit tuaj. Nëse ata janë të gatshëm të hapen me ju, vazhdoni të fuqizoni zërat e tyre dhe të kujdeseni për ta në vendin e punës. Duke u kushtuar vëmendje atyre edhe ata do t’ju kushtojnë vëmendje juve.

  1. Mos ua rikujtoni të gjithëve autoritetin tuaj.

Pavarësisht se keni autoritet me pozicionin tuaj, është shumë më e rëndësishme të shiheni si një person që të tjerët mund t’i kërkojnë këshilla.

Mos u ndjeni sikur ju duhet t’ua rikujtoni vazhdimisht njerëzve që jeni në krye (duke vepruar kështu, ju në fakt dëmtoni besueshmërinë tuaj si udhëheqës). Përkundrazi, përqendrohuni të fitoni besimin e anëtarëve të ekipit tuaj dhe në krijimin e marrëdhënieve që fuqizojnë zërat e tyre dhe i bëjnë ata të ndihen të kuptuar dhe të dëgjuar.

  1. Mos kini frikë të ndërmerrni rreziqe.

Është e kuptueshme që kur shumë menaxherë të rinj e fillojnë, shpesh bëjnë gjithçka që duhet për të mos lëkundur anijen. Megjithatë, me kalimin e kohës, ndërsa besimi juaj ndërtohet, mos kini frikë të sugjeroni mënyra të reja me të cilat kompania mund të përmirësohet, ose të merrni një drejtim që ju mendoni se do të ishte i dobishëm për gjithë ekipin tuaj.

Bërja e ndryshimeve dhe shprehja e mendimit tuaj për veten ose ekipin tuaj do t’ju bëjë një udhëheqës më të mirë në punën tuaj dhe do t’ju ndihmojë të çoni kompaninë tuaj (dhe karrierën) përpara.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0