270HC: molekula në trupin e njeriut që bllokon koronavirusin

Në pritje të një vaksine që mund të bllokojë përparimin e koronavirusit, bota është e angazhuar në kërkimin e metodave më të shpejta diagnostike dhe ilaçeve të mundshme që mund të kurojnë sëmundjen vdekjeprurëse që po kërcënon botën. Ndërkohë edhe Italia është një nga vendet që po kontribon që të gjejë një zgjidhje për të luftuar Covid-19. Kështu së fundmi studiuesit e Universitetit të Torinos kanë bërë  zbulimin e madh pasi, brenda trupit të njeriut kanë gjetur një molekulë me e cila quhet 270HC, që bllokon Covid-19.

“Molekula 27-hidroksikolesterol (27OHC) dhe është e pranishme në trupin tonë si një produkt fiziologjik i metabolizmit oksidativ të kolesterolit. Në kulturat qelizore të infektuara me Sars-Cov-2, virusi përgjegjës për Covid 19, 27OCH u gjet të ishte një frenues i fortë i replikimit viral.”-thuhet në një njoftim që ka dhënë Universitetit.

Ky zbulim i një rëndësie të madhe shkencore është bërë edhe në bashkëpunimin midis tre qendrave: Panoxyvir, koordinator novator fillestar i punës, Qendra Ndërkombëtare për Inxhinierinë Gjenetike dhe Bioteknologjinë (ICGEB) të Triestes dhe Spitalin e Desio.

LEXO: Vaksina ruse hidhet në qarkullim publik

Çfarë ka të veçantë kjo molekulë?

Produktet e oksidimit të kolesterolit në familjen e oksitelinës kanë një efekt të modulimit të përgjigjes imune dhe mund të bllokojnë shumëzimin e viruseve. Për më tepër, këto molekula janë tashmë të pranishme në gjakun e njeriut si një produkt normal I metabolizmit. Fakti që ato tashmë janë ‘njohur’ nga trupi i njeriut është sigurisht e preferueshme nga përdorimi i substancave që mund të kenë efekte toksike në trup. Duke pasur parasysh këto premisa, studiuesit vendosën të përqendrojnë vëmendjen në biomolekulën 27OHC (oksisterol-27-hidrokolesterol) dhe rolin që mund të ketë në luftën kundër SARS-CoV-2.

Për të studiuar efektin e tij në infeksionin e koronavirusit, studimi filloi me një analizë in vitro: qelizat u kultivuan në laborator dhe më pas u infektuan me virusin SARS-CoV-2. Jo të gjithë morën trajtim 27OHC. Qelizat e patrajtuara u përdorën si grupe kontrolli. Qelizat e trajtuara dhe të patrajtuara u inkubuan për të lejuar që situata të evoluojë dhe më në fund u vëzhguan nën mikroskop për të nxjerrë përfundime se sa i rëndë ishte infeksioni viral, shkruajnë mediat italiane.

Sipas studiusve rezultatet e provës ishin pozitive: trajtimi me biomolekulën 270HC uli me sukses infektivitetin e virusit SARS-CoV-2 në proporcion me dozën e dhënë . Për më tepër, është vërejtur se kjo biomolekulë ka veti antivirale për viruse të tjerë shumë të ndryshëm nga SARS-CoV-2. Kjo ka çuar në mendimin se veprimi i substancës është ‘përforcues’ për qelizat.

Kompania Panoxyvir është përqendruar prej kohësh në aktivitetin antiviral të molekulës 27OHC, pasi ajo ka demonstruar aftësinë për të bllokuar Rhinovirus-et, agjentët kryesorë të të ftohurit të zakonshëm gjatë stinës së dimrit kryesisht, si dhe ndaj Rotaviruse-ve, shkaktarët më të zakonshëm të gastroenteritit viral në vitet e para të jetës.

“Biokompatibiliteti i lartë i molekulës së zbuluar nga italianët, për shkak të origjinës fiziologjike dhe shumëllojshmërisë ekstreme të viruseve të përhapura gjerësisht në botë, frenon Covid si të ishte një antibiotik me spektër të gjerë në rastin e infeksioneve bakteriale”-u shprehën autorët e studimit, të cilët tani pretendojnë të nisin provat e para klinike te njerëzit si dhe një strategji antivirale plotësuese të vaksinave në trajtimin e pandemisë aktuale, por edhe atyre në të ardhmen.

Biomedicalcue

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale