Grupi i parë i dozave të vaksinës ruse “Sputnik V” kundër koronavirusit ka marrë dritën jeshile për përdorim publik dhe tashmë ka hyrë në qarkullimin civil. Kështu ka njoftuar Ministria Ruse e Shëndetësisë.
Vaksina, e zhvilluar nga Instituti i Epidemiologjisë dhe Mikrobiologjisë së Kërkimit Gamaleya të Moskës, “i është nënshtruar testeve të nevojshme të cilësisë” dhe “ka hyrë në qarkullimin civil”, tha ministria në një deklaratë të shkurtër të martën.
Më shumë doza do të shpërndahen nëpër rajonet ruse, thuhet më tej. “Russia Today” shkruan se ky njoftim shënon një tjetër moment historik në zhvillimin e vaksinës Gam-COVID-Vac, e njohur me emrin tregtar Sputnik V.
Më 11 gusht, pasi përfundoi me sukses provat klinike të Fazës 1 dhe Fazës 2, Rusia u bë vendi i parë që zyrtarisht regjistron vaksinën e vet të koronavirusit.
Zhvilluesit e vaksinës janë përballur me akuza se janë “nxituar” të hedhin Sputnik V në treg, pa përfunduar procesin e kalimit në të gjitha provat. Studiuesit rusë i kanë mohuar ato akuza, duke argumentuar se testimi për vaksinën, e cila aktualisht po studiohet akoma dhe pas regjistrimit, ishte “shumë më efikas dhe bazuar në supozime më të mira” sesa rivalët.
Ndërkohë, Kryebashkiaku i Moskës Sergej Sobyanin ka zbuluar se testimet pas regjistrimit të Sputnik V në Moskë mund të zgjasin nga dy në gjashtë muaj. Programi i vaksinimit masiv në qytet, pritet të fillojë në fund të vitit 2020 ose në fillim të vitit 2021.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
