Dhjetë vjet më parë, Benjamin Choi, një djalë nga Virginia, pa një dokumentar për një krah robotik që kontrollohej nga mendja me sensorë të implantuar në tru. I pëlqeu ideja, por e shqetësoi fakti që duhej operacion i rrezikshëm dhe kushtonte shumë, qindra mijëra dollarë. Në 2020-ën, kur pandemia mbylli laboratorin ku do të punonte, ai vendosi të ndërtonte vetë një krah më të thjeshtë dhe të lirë.
Në bodrumin e shtëpisë, duke përdorur një printer 3D me vlerë 75 dollarë dhe fije peshkimi, Choi krijoi versionin e parë të krahut. E ndërtoi në pjesë të vogla sepse printeri nuk mund të printonte gjëra të mëdha, dhe e bashkoi me bulona dhe elastikë. Krahu punonte me valët e trurit dhe gjestet e kokës. Ai ndau udhëzimet falas në internet.
Me përvojë nga garat e robotikës dhe duke mësuar vetë programim (Python dhe C++), Choi përmirësoi dizajnin. Pas shumë provash, krahu i tij tani është i fortë, mund të mbajë deri në katër tonë, dhe kushton vetëm 300 dollarë. Përdor inteligjencë artificiale (A.I.) për të kuptuar mendimet nga valët e trurit, pa nevojë për operacion.
Lexo edhe: Zhvillohet takimi i parë i klubit të librit “Bytes & Books”
Krahu funksionon me dy sensorë: një në vesh dhe një në ballë. Sinjalet e trurit dërgohen në një çip në krah përmes Bluetooth-it, dhe A.I. i kthen në lëvizje. Lëviz me gjeste të kokës dhe ndalon me pulitje sysh. Choi punoi me një person me amputim, Joseph Dunn, për ta bërë më të dobishëm. Shpikja e tij e çoi mes 40 finalistëve të Regeneron Science Talent Search, një garë e madhe për nxënës të shkollave të mesme. Ai fitoi edhe fonde nga MIT për të vazhduar punën. Krahu i tij mund të ndihmojë miliona njerëz që kanë humbur gjymtyrë, sepse është i lirë dhe i lehtë për t’u përdorur.
Algoritmi i A.I.-së ka 23,000 rreshta kod dhe është 95% i saktë, shumë më mirë se teknologjitë e ngjashme. Choi e krijoi këtë vetë, duke treguar se ide të reja mund të sjellin ndryshime të mëdha pa kosto të lartë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
