15 të shëruar, 21 persona të infektuar nga koronavirusi në 24 orë

21 persona me Covid-19 u identifikuan në 24 orët e fundit, duke e çuar numrin total në 467 të infektuar.

Mes tyre 1 është personel mjekësor dhe 2 janë fëmijë pa simptoma dhe në gjendje të mirë shëndetësore.

Personat e identifikuar janë kontakte të rasteve të mëparshme.

15 pacientë janë shëruar duke e çuar totalin e të shëruarve në 232.

Në informimin e përditshëm nga ISHP, Albana Fiço njoftoi se harta e të prekurve nga COVID-19 në 24 orë është zgjeruar në Tiranë, Shkodër, Durrës e Has.

Lexoni: Ndryshon orari i lëvizjeve, urdhri hyn në fuqi sot

Në 24 orët e fundit janë testuar 193 persona, ndërsa në total janë testuar 4070 raste, dhe janë konfirmuar:

– 467 persona janë të prekur nga koronavirusi,
– 232 janë shëruar,
– 23 kanë vdekur,
– 43 persona janë të shtruar në spitalin Infektiv, 7 prej tyre janë në terapi intensive, 2 të intubuar
– 9 persona janë të shtruar në spitalin Shefqet Ndroqi, 7 prej tyre janë në terapi intensive, 5 pacientë janë të intubuar.

Në total në të dy spitalet janë 52 persona janë të shtruar.

Përhapja e koronavirusit deri më 13 prill është sipas këtyre qyteteve:

— Në Tiranë: 221 persona;

— Në Durrës: 42 persona;

— Në Fier: 32 persona;

— Në Lushnje: 6 persona;

— Në Elbasan: 15 persona;

— Në Rrogozhinë: 4 persona;

— Në Kavajë: 8 persona;

— Në Korçë: 17 persona;

— Në Vlorë: 5 persona;

— Në Shkodër: 70 persona;

— Në Lezhë: 14 persona;

— Në Has: 13 persona;

— Në Berat: 2 persona;

— Në Krujë: 6 persona;

— Në Tropojë: 4 persona;

— Në Pukë: 5 persona;

— Në Mirditë: 3 persona.