11 këshilla të të folurit në publik nga folësit më të mirë të TED Talks

Nuk ka asnjë dyshim: TED Talks kanë ngritur shumë lart atë që konsiderohet një prezantim i paharrueshëm dhe impresionues në biznes. 

Çfarë i bën ata kaq të veçantë dhe popullorë? Kjo nuk është vetëm çështje subjektive e tyre edhe pse padyshim që kjo luan një rol.
Ja sekreti: çfarë bëjnë ndryshe folësit e TED nga pjesa tjetër mund të gjenden në minutat e para të paraqitjes së tyre. Dhe kjo ka kuptim në qoftë se ju mendoni rreth saj. Gjatë hapjes vëren se audienca ulet dhe të kushton vëmendje … ose largohet nga iPhone i tyre.

Me këtë në mendje, këtu janë pesë nga folësit më të njohur të Ted Talks (siç matet nga view-të e faqes), me teknikat që ata përdorin për të magjepsur audiencën e tyre.

1. Sir Ken Robinson

Këshilla numër 1: Përdorni humorin me veten tuaj për të ulur barrierat
Ndryshe nga shumë folës të tjerë të Ted Talks, Robinson nuk ka një prani dinamike fizike. Për më tepër, për shkak se ai është një akademik, ai duhet të kapërcejë perceptimin se ai me shumë gjasa është për të dhënë një leksion të mërzitshëm.
Prandaj ai e hap duke bërë një zbavitje të vogël me veten e tij dhe me edukatorët në përgjithësi. Duke ‘shpuar tullumbacen’ e tij, ai i bën të gjithë të ndihen rehat dhe me shumë gjasa të dëgjojnë atë që ai ka për të thënë.

Këshilla nr 2. Lidheni përvojën tuaj me përvojën e përbashkët
Në mes të humorit të tij, Robinson tregon përvojën e tij personale në konferencë me atë të të pranishmëve. Kjo më tej e humanizon atë dhe e sjell atë më pranë audiencës. Robinson krijon një raport të tillë të fortë me audiencën dhe ai nuk ka nevojë për grafikë për të bërë lidhjen e tij. Ky është një testament për të se sa mirë ai arrin të kapë dhe pastaj të mbajë vëmendjen e publikut.

2. Amy Cuddy

Këshilla nr 3. Bind audiencën për të marrë një veprim të menjëhershëm
Pika kulmore e të folurit në publik është të bindësh audiencën për të marrë një vendim, që do të thotë t’i bindësh ata për të lëvizur (konceptualisht) nga kudo që janë tani aty ku ti dëshiron që ata të jenë. Cuddy fillon duke lëvizur publikun fizikisht, duke krijuar vrullin për lëvizje konceptuale që ajo ka për qëllim që ata të bëjnë.

Këshilla nr 4. Krijo një ndjenjë pritjeje
Në fjalitë e saj të para, Cuddy gjithashtu u premton audiencës se do të mësojnë diçka të rëndësishme më vonë në prezantim. Kjo e bën audiencën të kushtojë vëmendje që të mos humbasë copëzën e ‘mençur’ të premtuar.
Premtimi suspensional jep kuptim shtesë për lëvizjen, ndërsa lëvizja ndihmon në rëndësinë e premtimit.

Lexo edhe:10 vjet CPM- Festimi i një dekade revolucioni në Real Estate

Këshilla nr 5. Shprehni pasion për çështjen tuaj

Është ironike që më i shikuari i TED Talk  në videot e YouTube duhet të jetë Robbins, sepse ai duket i lodhur dhe gati t’a zerë gjumi në rrobat e tij. Normalisht, Robbins ka tendencë të jetë tepër i saktë, edhe kur është i veshur me rroba jozyrtare.

Megjithatë, pasioni që Robbins ndjen për materialin e tij shkëlqen përmes paraqitjes së tij. Ai është energjik, i përqendruar dhe padyshim i angazhuar për të siguruar sa më shumë të jetë e mundur vlera në një periudhë kaq të shkurtër kohore.

Këshilla nr 6. Vendosni pritjet e duhura

Edhe pse Robbins shpenzon shumë nga dy minutat e para duke shkatërruar paragjykimet që audienca mund të ketë rreth tij, ndërsa njëkohësisht e fokuson vëmendjen e tyre në atë që ata potencialisht mund të mësojnë prej tij.
Ndryshe Robinson, i cili butësisht krijon raport për të ulur barrierat ndërmjet tij dhe audiencës, Robbins thjesht shpërthen nëpër pengesat për të marrë situatën në dorën e tij. Nëse kjo teknikë nuk punon; përdorni një që i përshtatet më mirë personalitetit tuaj.

4. Brene Brown

Këshilla nr 7. Filloni me një anekdotë përkatëse
Brown është një tregimtare, dhe kështu ajo fillon (dhe vazhdon gjatë) duke u treguar histori. Tregimet kanë pushtet, sepse qeniet njerëzore janë të programuar gjenetikisht për të organizuar mendimet e tyre nëpër tregime.
Çfarë është e rëndësishme këtu, është se anekdotat e saj të hapjes janë menjëherë të rëndësishme për të prezantuar veten dhe mesazhin e saj. Kjo është e kundërta e këshillave të vjetra që ju duhet të filloni prezantimin tuaj me një shaka.

Këshilla nr 8. Përdorni gjuhën e trupit
Brown kalon nga një anekdote hyrëse, në përmbajtjen kryesore të bisedës së saj. Ajo ndryshon shprehjen e saj dhe qëndrimin për të komunikuar me publikun se “tani është koha për ta marrë pak më seriozisht.”
Këto lëvizje vizuale ndihmojnë audiencën të kuptojë më mire materialin, ashtu si shenjat e pikësimit në një fjali. Pa to, madje edhe një folës me ide të mëdha mund të duket si një njeri që rri kot.

5. Dan Gilbert

Këshilla nr 9: Filloni me një fakt befasues apo statistikë
Gilbert prezanton fjalimin e tij me një fakt të papritur që është menjëherë i rëndësishme për mesazhin e tij të përgjithshëm, dhe përdor kontraste (20 minuta kundrejt dy milionë vjet) duke e bërë atë të duket më jetike.
Fakte befasuese rrëmbejnë vëmendjen e të dyja anëve të trurit. Neuronet në anën majtë të trurit tuaj thonë “Yay, këtu është një fakt për t’u mbajtur mend!” ndërsa neuronet në anën e djathtë thonë “Wow, kjo është me të vërtetë e çuditshme!”

Këshilla nr 10. Përdorni grafikën vizuale
Gilbert menjëherë përforcon faktin befasues me një grafik që përforcon dhe forcon përmbajtjen informative (për anën e majtë të trurit) dhe përmbajtjen emocionale (për anën e djathtë të trurit të).
Në të njëjtën kohë duke goditur dy anët e trurit, Gilbert plotësisht kap imagjinatën dhe interesin e publikut, edhe pse është vetëm 30 sekonda në prezantim.

Këshilla nr 11. Thjeshtësoni, thjeshtësoni, thjeshtësoni
Kjo është e vërtetë për të gjithë folësit e mëdhenj të TED Talks, por veçanërisht e vërtetë për Gilbert, i cili është një mjeshtër në reduktimin e ideve komplekse në copëza që të kuptohet lehtë përmbajtja.
Në të vërtetë, në qoftë se keni shikuar ndonjë TED Talk, ju do të vëreni menjëherë që folësit as nuk shkojnë në detaje dhe as nuk marrin një proverbë të stërgjatur. Në vend të kësaj, ata e bëjnë sa më të thjeshtë.

Inc.com