NGA LAURA GARNETT
Punësimi i talentit të duhur dhe ndihma e atyre njerëzve që të lulëzojnë në pozicionet e tyre është një nga sfidat më të mëdha që ka çdo udhëheqës, CEO, ose themelues, veçanërisht pasi kërkimi i punës është bërë normë. Ju jo vetëm që duhet të gjeni njerëz tepër të zgjuar, por gjithashtu duhet të siguroheni që ata të qëndrojnë pranë jush, në vend që të hidhen tek dikush tjetër më i mirë.
Çelësi më i rëndësishëm për këtë është të siguroheni që njerëzit tuaj të jenë në rolet e duhura për atë që janë të aftë të bëjnë. Shpesh, problemet e performancës konsiderohen gabim. Nëse keni dikë në ekipin tuaj që nuk po punon mjaftueshëm, që nuk po funksionon ashtu siç duhet, ose që duket i mërzitur dhe i paangazhuar, nuk është gjithmonë një çështje e aftësisë së atij personi. Ndonjëherë, është çështje përshtatje. Nëse një punë nuk është në përputhje me pikat e forta, vlerat dhe personalitetin e dikujt – është shumë e pamundur që ata të kenë sukses.
Si mund të dalloni nëse punonjësit tuaj janë në rolet e duhura? Shpesh është tepër delikate, kështu që duhet t’i kushtoni vëmendje. Si fillim, shikoni për këto 10 shenja.
- Ata janë shpesh të mërzitur ose të shkëputur dhe ju rregullisht keni ndjenjën se mendja e tyre nuk po funksionon.
- Ata thjesht nuk mund të zotërojnë detyrat që u janë caktuar, pavarësisht nga shumë orientime se si t’i bëjnë ato më mirë ose ndryshe.
- Ata shpesh nuk i ndajnë idetë e tyre me ju ose kolegë të tjerë. Ose, kur e bëjnë, është krejtësisht e pabazë dhe e pa dobishme.
- Ata duket se po luftojnë me besimin. Rrallë marrin pjesë në diskutime në grup ose ndajnë këndvështrimin e tyre me të tjerët.
- Mund të vëreni dukshëm se ata frustohen lehtësisht.
- Ajo që u nevojitet atyre për të performuar nuk duket të jetë në përputhje me personalitetin, apo pikat e tyre të forta.
- Ju keni pasur një ndjenjë të fshehtë për një kohë, sepse diçka thjesht nuk po funksionon.
- Ata komunikojnë se nuk ndihen të vlerësuar, pavarësisht se ndjeni se keni bërë gjithçka që mundeni për t’i bërë ata të ndihen të vlerësuar.
- Pavarësisht përpjekjeve për të ofruar reagime, stërvitje dhe mbështetje, performanca e tyre nuk ndryshon.
- Ata u janë afruar duke ju thënë se nuk janë të kënaqur me punën që po bëjnë ose se do të donin një rol tjetër.
Nëse shihni disa nga këto shenja tek një nga punonjësit tuaj, është koha për të bërë një ndryshim. Ndryshimi i rrugës është gjithmonë i vështirë, por dijeni se mund ta filloni bisedën me ndjeshmëri dhe dhembshuri.
Lexo: Mënyra më e mirë për të drejtuar një mbledhje biznesi
Kur e kuptoni se dikush në ekipin tuaj nuk është në rolin e duhur, kërkojuni atyre t’ju tregojnë më shumë se kush janë, në çfarë janë më të mirë dhe çfarë duan në fund të fundit nga karriera e tyre. Mund të ketë vend tjetër në biznes, ku ata mund të kontribuojnë, gjë që do të ishte më e përshtatshme për ju të dy.
Ose, nëse jo, të dish se ata nuk janë të përshtatshëm për kompaninë tuaj është një gjë e mrekullueshme. Nuk do të jetë vetëm e mirë për biznesin tuaj, por përfundimisht do të jetë një ndryshim pozitiv për karrierën e atij personi. Në fund të fundit, askush nuk dëshiron – ose nuk mund të ketë sukses në – një punë që nuk është e përshtatshme për ta.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
