10 paralajmërime nga rritja e theksuar e çmimit të ndërtimeve

Në kushtet kur çmimet e apartamenteve sa vijnë e rriten, shqetësimi për një fluskë nv tregun imobiliar bëhet gjithashtu edhe më i lartë. Ish ministri i Financave Arben Malaj sjell 10 këshilla që konsumatorët duhet të kenë parasysh, kur të blejnë një shtëpi.

Sipas tij, paralajmërime për rrirjen e pa arsyeshme të çmimit të shtëpive nuk duhen nënvlerësuar. Disa këshilla që mund të vlejnë janë:

1. Rritja apo rënia e çmimeve të shtëpive varet nga raporti ofertë-kërkesë. Në këtë situata në rritjen e çmimeve vepron kryesisht rritja e madhe e kërkesës.
2. Askush nuk duhet të blejë shtëpi jashtë mundësive reale të përballimit të çmimit dhe/ose kredive;
3. Kujdes mos blini shtëpi të dyta me idenë se do t’i shisni me shtrenjtë. Kjo sepse në kohë krize blerjet/kërkesat bien, ndërsa oferta/shitjet në panik rriten. Kur kërkesa bie dhe shitjet në panik rriten fluskat e çmime të fryra plasin, duke “vrarë” shumë viktima të pakujdesshme në investimet e tyre euforike;
4. Kujdes mos nxitoni të blini shtëpi të dyta me borxhe të rritura, me idenë se me qiratë e tyre do të paguani kreditë dhe do të keni disa të ardhura shtesë;
5. Nje impakt në rritjen e çmimeve ka rritja e kërkesës për shtëpi të financuara nga bankat;
6. Bankat Qendrore detyrohen të përmirësojnë politikat dhe procedura e kredi-dhënieve për shtëpi. Këshillohet të analizohet me kujdes CV kredi-marrëse e çdo individi që aplikon për kredi;
7. Banka e Shqipërisë duhet të përdorë mbikqyrje efektive dhe parandaluese nga krizat hipotekore në sistemin bankar;
8. Kostot e krizave të shtëpive prodhojnë kriza sociale, në varësi nga numri i të falimentuarve;
9. Krizat hipotekare prekin edhe bankat kredidhënëse, atëherë kur cilësia e përzgjedhjes së kredi-dhënësve shkel kriteret e përcaktuara nga Bankat Qendrore.
10. Më shumë analiza qartësuese, me efekt parandalimin e fluskës së pasurive të patundshme janë të domosdoshme dhe të dobishme.