Raporti i Bankës së Shqipërisë mbi investimet e huaja vitin e kaluar tregon se investimet u rritën në total 13% krahasuar me vitin 2017. Ndikimin kryesor në rritje e dhanë investimet në fushën e energjisë. Falë, kryesisht punës aktive të gazsjellësit TAP, investimet në energji, zunë më shumë se gjysmën e totalit të investimeve të huaja.
Nga 1 miliard euro investime në total, 590 milionë euro ishin në energjitikë.
Në dy vitet e kaluara investimet në total pritej të kishin nivele të larta, ndërsa përmbyllja e dy projekteve të mëdha HEC i Devollit, dhe këtë vit edhe përfundimi i punimeve të gazsjellësit pritet ta ulin ritmin e investimeve.
Ekonomistët prej më shumë se tre vitesh në fakt, kanë paralajmëruar qeverinë të shohë burime të tjera për tërheqjen e investmeve.
Dhe sipas planeve të Ministrisë së Financave dhe paketës së miratuar nga qeveria e parlamenti, “zëvendësuesi” i projekteve të energjisë pritet të jetë turizmi. Me një paketë lehtësish të miratuara në paketën fiskale të këtij viti, qeveria parashikon të tërheqë investime të mëdha në turizëm, përmes ndërtimit të hoteleve me 4 dhe 5 yje.
Lexo: Samiti i Turizmit: jo më fshatra turistikë. Hotelet kusht për investime strategjike
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
