Kosova bëhet pjesë e Fondit të Inovacionit për Ndërmarrje – ENIF - Business Magazine Albania

Kosova bëhet pjesë e Fondit të Inovacionit për Ndërmarrje – ENIF


Qeveria e Kosovës nënshkroi marrëveshjen për t’iu bashkangjitur Fondit të Inovacionit për Ndërmarrje (ENIF). Bashkimi i Qeverisë së Kosovës në fondin ENIF ngrit totalin e fondeve për investime për Ndërmarrjet e Vogla e të Mesme (NVM) me potencial teknologjik nga Ballkani Perëndimor për më shumë se 40 milion euro.

Marrveshja u nënshkrua nga Tatjana Zabasu, përfaqësuese e “South Central Ventures” dhe Besian Mustafa, drejtor i Agjencisë për Investime dhe Përkrahjen e Ndërmarrjeve në Kosovë (KIESA).

Fondi ENIF menaxhohet nga “South Central Ventures” dhe që nga shtatori i vitit 2015 është aktiv në Ballkanin Perëndimor. Portofoli i tij deri më sot përfshin 8 kompani të teknologjisë së lartë e që në fazën fillestare treguan rritje të hershme, d.m.th. treguan një potencial të madh për rritje.

Ministrja e Tregtisë dhe Industrisë, Hykmete Bajrami, me këtë rast, foli për mbështetjen që po jep Qeveria e Kosovës në zhvillimin e ndërmarrësisë.

“Qeveria e Kosovës përmes programeve të saja për mbështetjen e investimeve dhe eksportit; përmes Fondi Kosovar për Garantimin e Kredive, dhe tani përmes Fondit të Inovacionit për Ndërmarrjet, që është një nga shtyllat e Fondit për Ballkanin Perëndimor (WB EDIF) ka krijuar një kornizë të rëndësishme për qasje në financa për ndërmarrjet kosovare që nga faza e krijimit e deri tek rritja, zgjerimi, dhe rrugëtimi i tyre nëpër tregjet globale”, tha ministrja Bajrami.

“Qeveria e Kosovës përmes investimit në Fondin ENIF kontribuon drejtpërdrejt në mbështetje të krijimit të ndërmarrjeve të reja (startup) me qasje inovative, duke ndihmuar kështu një shtresë të popullatës së re dhe të talentuar që të merren me krijimin e kompanive inovative me potencial të rritjes dhe depërtimit të shpejt në tregjet e huaja”, theksoi ajo.

Tatjana Zabasu, Partnere menaxhuese në “South Central Ventures”, foli për Investimin e Kosovës në fondin ENIF.

“Ne kemi qenë aktiv gjithandej në Ballkanin Perëndimor, përfshirë edhe Kosovën, që nga themelimi i Fondit për Inovacion të Ndërmarrjeve në vitin 2015. Investimi në ENIF-në nga Qeveria e Kosovës është një kontribut i rëndësishëm, pasi tregon interesimin e saj për zhvillimin e një ekosistemi të favorshëm për teknologjinë e NVM-ve. Ne shpresojmë të forcojmë edhe me tej mundësitë e investimeve në Kosovë, ku tashmë kemi parë një numër të kompanive premtuese dhe njerëz të talentuar me ide të shkëlqyeshme për biznes. Ne jemi të lumtur që jemi në pozitë, ku së bashku me mbështetjen e partnerëve të ENIF, të ndihmojmë disa prej tyre që ato të mund të shfrytëzojnë plotësisht potencialin e tyre”, thsa Zabasu.

Ndërsa Olivia Somers, përfaqësuese e Fondit Evropian për Investime (FEI), e vlerësoi rritjen e investimeve të Kosovës për mbështetjen e NMV-ve.

“Jemi shumë të lumtur kur shohim se Kosova shton investimet në Fondin e Inovacionit për Ndërmarrje. Kjo tregon jo vetëm përkushtimin e Kosovës për mbështetjen e NVM-ve inovative, por edhe dedikimin e saj për të qenë partner i rëndësishëm në krah të partnerëve tjerë si FEI, Komisioni Evropian, BERZH, KfW, etj., për të ngritur bashkëpunimin dhe dialogun në mbështetje të zhvillimit të sektorit privat”, tha ajo

Investitorët ekzistues të ENIF përfshijnë investitorët institucionalë, siç janë: Komisioni Evropian, Fondi Evropian për Investime (EIF), Banka Evropiane për Rindërtim dhe Zhvillim (BERZH), dhe shtetet e Ballkanit Perëndimor nëpërmjet ministrive të tyre apo agjencive të NVM-ve, duke përfshirë edhe Agjencinë për Investime dhe Përkrahjen e Ndërmarrjeve në Kosovë (KIESA), Agjencinë kroate HAMAG-BICRO, Qeverinë e Maqedonisë dhe Fondin për Investimeve dhe Zhvillim të Malit të Zi. Përveç kësaj, disa investitorë institucionalë dhe privatë tashmë i janë bashkuar Fondit që në fazën e parë, në shtator të vitit 2015.

Fondi ENIF është një shtyllë e strukturës së Mekanizmit për “Zhvillim të Ndërmarrjeve dhe Mbështetjen e Inovacionit në Ballkanin Perëndimor” (WB EDIF), i krijuar nga Bashkimi Evropian me qëllim të përmirësimit të qasjes në financa për ndërmarrjet e vogla dhe të mesme në Ballkanin Perëndimor

WB EDIF promovon krijimin dhe rritjen e kompanive inovative me potencial të lartë, si dhe krijon tregun e përbashkët të kapitalit në rajon. Qeveritë e vendeve përfituese dhe donatorët kanë mbledhur një kapital fillestar prej 145 milionë eurosh, i cili mund të përkthehet në rreth 300 milion euro të vëna dispozicion për financim të drejtpërdrejt të NVM-ve në rajon.

“South Central Ventures” e drejton menaxhimin e Fondit të Evropës Jug-lindore, duke menaxhuar kështu 40 milionë euro të Fondit “ENIF”, i cili ka në fokus investimet në kompanitë e teknologjisë në Ballkanin Perëndimor dhe synon të mbështet zhvillimin e mëtejshëm të ekosistemit teknologjik të kompanive të reja në gjithë rajonin, duke mbështetur kështu themeluesit e guximshëm që të sjellin bizneset e tyre në tregjet globale. “South Central Ventures” është duke investuar në gjithë Ballkanin Perëndimor dhe ka zyrë në Beograd, Shkup dhe Zagreb.

burimi: IllyriaPress

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0