InTERaCT 4.0 është një projekt që po zbatohet nga gjashtë partnerë: Bashkimi i Dhomave të Tregtisë dhe Industrisë së Shqiperisë, Qendra e Promovimit të Biznesit dhe Ekonomisë, Dhoma e Tregtisë, Industrisë, Artizanatit dhe Bujqësisë, Universiteti i Salentos, Dhoma Ekonomike e Malit të Zi, Universiteti Mesdhetar i Malit te Zi. Projekti financohet nga Programi Interreg IPA CBC Itali-Shqipëri-Mal i Zi.
Rajoni i Puglias, Shqipëria dhe Mali i Zi janë të lidhura me marrëdhënie të mira ekonomike, të cilat vazhdojnë të forcohen nëpërmjet procesit të përshtatjes ndaj standardeve evropiane që Shqipëria dhe Mali i Zi duhet të përmbushin në kuadër të antarësimit në Bashkimin Evropian. Rajoni sot përballet me sfidën e inovacionit, përmes modelit të fabrikës inteligjente, të pajisur me pajisje vetë-kontrolluese në linjat e prodhimit, përshkallëzim të procesit digjital në kompanitë dhe lidhje të ngushtë ndërkufitare. INTERACT 4.0 do të nxisë zhvillimin e këtij modeli rritjeje, nëpërmjet katër aksioneve kyçe:
1. Analiza, bazuar në hulumtimet dhe anketat metodologjike, të nevojave të ndërmarrjeve në sektorin e prodhimit artizanal.
2. Përkufizimi dhe krijimi i Qendrës së Inovacionit të Mesdheut (MIH), një instrument i përbashkët për të tre vendet, për të promovuar dhe mbështetur qasjen e gjerë të inovacionit. Në nivel operacional, MIH synon:
- Ndërtimin e një ambienti që mbledh shoqatat industriale, qendrat kërkimore dhe ndërmarrjet rreth një modeli të zgjuar;
- Zhvillimin e zyrës që ofron mbështetje teknike për kërkimin dhe inovacionin dhe ndërmarrja e masave ekonomike për t’i mbështetur ato;
- Zhvillimi i një “Smart Showcase”, një seminar trajnimi eksperimental për të ndarë së bashku zgjidhje digjitale për proceset e kompanisë.
3. Themelimi i një sistemi ekonomikisht të qëndrueshëm me kalimin e kohës, për të trajnuar dhe përditësuar kapitalin njerëzor që do të mbështesë përmirësimin e ndërmarrjeve, në aspektin e organizimit dhe prodhimit.
4. Krijimi i:
- Platformës së Teknologjisë së Informacionit dhe Komunikimit (TIK);
- Platformës së Grupimit sipas aftësive;
- Platformës së serviseve teknike, për të ndarë dhe përfituar nga shkëmbimi i aftësive të secilës kompani, udhëzimeve dhe dokumenteve të politikave për transformimin e proceseve brenda sektorit të prodhimit artizanal.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
