Dëshiron të zhvillosh njohuritë e tua rreth lidershipit? Je duke kërkuar kudo për një seminar ndërkombëtar? Nuk ke dëgjuar akoma për “National Leadership Development Seminar”?
Një konferencë ndërkombëtare mbi lidershipin nuk ka qenë asnjëherë më afër se kaq. “National Leadership development Seminar” e zhvilluar për vite me rradhë në shumë shtete të botës, organizohet për herë të parë nga organizata rinore, jo-fitimprurëse AIESEC Albania, e cila është pjesë e grupit të AIESEC International. Ky seminar do të mirëpres 150 delegatë nga të gjitha vendet e botës në datat 18-20 Janar, në qytetin e Durrësit dhe Ti duhet të jesh pjesë e kësaj eksperience për ta bërë atë të paharrueshme.
Çfarë do të përfitoni?
Duhet të jeni të pranishëm për të prekur çdo detaj që kemi menduar t’ju prezantojmë, por diçka është e sigurt, NLDS është një seminar unik në llojin e tij! Në këtë seminar do të njihni më mirë liderin që ndodhet brenda jush, do të përforconi pikat tuaja të forta dhe shumë njohuri të cilat do i fitoni duke qenë delegatë të kësaj konference. Çdo pjesëmarrës do të ketë mundësinë të sfidojë aftësitë e tij në stimulime dhe veprimtari praktike të trajtave të ndryshme pikërisht me fokus zhvillimin personal.
Do të argëtoheni me aktivitetet që do të zhvillohen për të njohur dhe përmirësuar veten në aspekte të ndryshme. A do të ketë “Networking”? Sigurisht! Do të keni mundësinë të njihni nga afër student, anëtarë të AIESEC, pjesëmarrës të organizatave të tjera, jo vetëm nga Shqipëria por dhe vende të ndryshme të Europës.
Mos e humbisni këtë mundësi për të qenë të parët që do t’i jepni kuptim kësaj konference!
