Strukturat akomoduese janë një hallkë tepër e rëndësishme e sektorit turistik shqiptar dhe ekipi i SRD-së është duke analizuar impaktin aktual të Covid-19 për të hartuar një plan mbështetës masash ndaj kësaj krize. Ndaj nëse jeni drejtues/e apo pronar/e i një biznesi hotelerie (hotel, bujtinë, bed & breakfast, apo agroturizëm) ju ftojmë të plotësoni pyetësorin duke klikuar këtu.
Si vazhdim i kësaj nisme, GIZ do të organizojë edhe një ose disa takime video-konferencë me bizneset e turizimit, për të adresuar më në detaje se çfarë shihet si prioritet dhe sesi GIZ mund t’ju vijë në ndihmë.
Sustainable Rural Development (SRD) – ‘Zhvillimi i Qëndrueshëm Rural’ është program i implementuar nga GIZ, i financuar nga BMZ (Ministria Federale Gjermane e Bashkëpunimit Ekonomik dhe Zhvillimit), me qëllim diversifikimin e ekonomisë rurale, veçanërisht zhvillimin e qëndrueshëm të turizmit dhe rritjen e konkurrencës në sektorin e bujqësisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
