Zëvendësministri i Ekonomisë prezanton reformat ekonomike në OBT


Në emër të qeverisë shqiptare, zëvendësministri i Ekonomisë, Ervin Mete prezantoi këtë të mërkurë në Organizatën Botërore të Tregtisë në Gjenevë reformat ekonomike e tregtare për periudhën 2010-2015.

Sipas një njoftimi për shtyp, raporti i qeverisë shqiptare dhe zhvillimet në vend u konsideruan të suksesshme dhe në drejtimin e duhur për rritjen ekonomike të qëndrueshme nga të pranishmit.

“Anëtarët e OBT-së, ndër të cilët Bashkimi Evropian, Shtetet e Bashkuara të Amerikës, Kanadaja, Turqia, Kina, Brazili, Mali i Zi, Moldavia etj, vlerësuan reformat e ndërmarra për rimëkëmbjen ekonomike, investimet e huaja, investimet në infrastrukturë, lehtësirat tregtare dhe doganore, etj”, thuhet në njoftimin për shtyp.

Konkretisht, përfaqësuesit e vendeve anëtare përgëzuan Shqipërinë për qasjen e re të konsultimit me biznesin, duke inkurajuar konsolidim të mëtejshëm në këtë bashkëpunim.

Gjithashtu, anëtarësimi në BE u vlerësua si një nga shtysat kryesore për zhvillimin ekonomik dhe tregtar. Shqipëria mori gjithashtu mbështetjen dhe përgëzimet e të gjitha vendeve anëtare për vijimin e konsolidimit ekononomik të vendit, vijon njoftimi.

 

/ Top Channel

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale