Zara po përballet me reagime të ashpra, pasi përdori në një fushatë reklamuese statuja me gjymtyrë të humbura në rrënoja. Imazhet e publikuara nga kompania spanjolle janë krahasuar me shkatërrimin në Gazë.
Në fotografi, modelja Kristen McMenamy pozon me një manekin të mbështjellë me leckë të bardhë dhe plastikë.
Fushata, e quajtur “The Jacket,” është pjesë e serisë Atelier të markës, të cilën ajo e përshkruan si “një koleksion me edicion të kufizuar nga shtëpia që kremton përkushtimin ndaj mjeshtërisë dhe pasionin për shprehjen artistike.”
Kritikat kanë shpërthyer, pasi shumë kanë vënë re se imazhet e përdorura nga Zara kanë ngjashmëri shqetësuese me rrënojat dhe situatën tragjike në Gazë.
Melanie Elturk, shefe ekzekutive e markës së modës Haute Hijab u shpreh: “Kjo është e sëmurë. Çfarë lloj imazhesh të sëmura, të shtrembëruara dhe sadiste po shikoj?”
Artisti palestinez Hazem Harb gjithashtu komentoi fushatën dhe bëri thirrje për bojkot të markës.
“Përdorimi i vdekjes dhe shkatërrimit si një sfond për modën është përtej ligësisë, është bashkëpunim dhe duhet të na zemërojë ne si konsumatorë. Bojkoto Zara”, u shpreh Harb në Instagram.
Harb ndau gjithashtu pamjet e instalimit të tij të videove të vitit 2008 Burned Bodies, i cili u shfaq në Citta dell’Altra Economia, Romë, dhe ka një ngjashmëri me fushatën Zara.
Ndikuesit e Instagramit Dr Noor Amra dhe Dr Hina Cheema, të cilët drejtojnë llogaritë @eyegirlmd dhe @storyofstyle, ndanë imazhe të fushatës Zara në një postim të përbashkët.
Postimit të tyre iu përgjigj, Mona Kattan, presidentja globale e Huda Beauty, e cila shkroi: “I sëmurë”.
Fotografuar nga Tim Walker me drejtim arti nga kompania franceze-amerikane Baron & Baron, imazhet paraqesin modelin amerikan McMenamy të veshur me një sërë xhaketash në një dhomë të bardhë të errët, të rrethuar nga arka druri dhe rrënoja betoni. Statujave u mungojnë gjymtyrët, ndërsa manekinet dhe strukturat janë mbështjellë me pëlhurë të bardhë, si dhe me plastikë të pastër dhe të bardhë.
Një imazh është fshirë nga fushata në faqen e internetit Zara dhe në mediat sociale, i cili përshkruan McMenamy të veshur me një xhaketë lëkure me thumba, me një manekin që qëndron pezull pas saj të mbështjellë me plastikë.
Nga seria e imazheve që paraqesin xhaketën me thumba, e vetmja fotografi që mbetet në internet është një pamje nga afër e veshjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
