“Young Innovators” çmime për studentët më inovatorë - Business Magazine Albania

“Young Innovators” çmime për studentët më inovatorë

inovatorë

Tirana është kthyer tashmë në qytetin më inovator të vendit! Mes dhjetëra mundësive që Tirana ofron, duke nisur që prej hapësirave co-working apo programeve për të rinjtë, qindra të rinj dhe të reja po zhvillojnë çdo ditë idetë e tyre.

Gjatë datës 18 Maj 2022, ora 10:00 – 14:30, Departamenti i Manaxhimit, Fakulteti i Ekonomisë, Universiteti i Tiranës, në kuadër të përmbylljes së lëndës së Inovacionit organizoi pranë godinës Liria, kompeticionin “Young Innovators”.

Të pranishëm në këtë kompeticion ishin rreth 250 studentë të vitit të tretë në Degët e Administrim Biznesit dhe Informatikës Ekonomike; Dekani i Fakultetit të Ekonomisë; Pedagogë të Departamentit të Manaxhimit dhe të Departamentit të Financës; Përfaqësues nga bizneset; Përfaqësues nga Bashkia e Tiranës dhe institucione të tjera.

Gjatë aktivitetit mbajtën fjalë përshëndetëse:

  • Z. Dhori KULE, Dekan i Fakultetit të Ekonomisë, Universiteti i Tiranës;
  • Znj. Etleva LESKAJ, Përgjegjëse e Departamentit të Manaxhimit, Fakultetit të Ekonomisë, Universiteti i Tiranës;
  • Z. Valer PINDERI, Sipërmarrës, themeluesi i dyqanit më të madh online në Shqipëri Aladini;
  • Z. Valentin CELA, Ish Student i Administrim Biznesit, Fitues i kompeticionit të Inovacionit 5 vite më parë dhe aktualisht anëtar i “VIAL”.

Nën moderimin e dy pedagogëve të lëndës së Inovacionit, Msc. Ada BICI dhe Msc. Megi CALI, të 14 grupet finaliste prezantuan punën e tyre para një paneli vlerësues profesionistësh të përbërë nga:

  • Znj. Ardita SEKNAJ, Sekretar i Përgjithshëm në Dhomën Ndërkombëtare të Tregtisë, Shqipëri;
  • Znj. Etleva LESKAJ, Përgjegjëse e Departamentit të Menaxhimit, Fakultetit të Ekonomisë, Universiteti i Tiranës;
  • Z. Ermir PUKA, Drejtor i Përgjithshëm i Teknologjisë së Informacionit, Inovacionit dhe të Dhënave, Bashkia Tiranë;
  • Znj. Nertila BUSHO, Lektore e Lëndës së Inovacionit në Departamentin e Manaxhimit, Fakultetit të Ekonomisë, Universiteti i Tiranës;
  • Z. Patrik FETAHAJ, Këshilltar për promovimin e start-up në Deutsche Gesellschaft für Internationale Zusammenarbeit (GIZ) GmbH (BE për Inovacionin) në Shqipëri.
  • Z. Valer PINDERI, Sipërmarrës, themeluesi i dyqanit më të madh online në Shqipëri Aladini;
  • Z. Valentin CELA, Ish Student i Administrim Biznesit, Fitues i kompeticionit të Inovacionit 5 vite më parë dhe aktualisht anëtar i “VIAL”.

Në përfundim të kompeticionit u shpërndanë certifikatat e pjesëmarrjes për të gjithë studentët e grupeve finaliste si edhe u shpallën idetë fituese si më poshtë:

  • Çmimi i parë shkoi për idenë: “Student Life” të realizuar nga studentja Amarilda Koka.
  • Çmimi i dytë iu dha idesë: “Water Tap Lamp” të realizuar nga studentët Eniard Daja, Sara Gëzhilli, Aldo Elmazi, Irisi Xhengo.
  • Çmimi i tretë iu dha idesë: “Smart Light” të realizuar nga studentët Artjola Zalla, Eleni Kullira, Lorena Rama, Enada Bengaj.
  • Çmimi i katërt iu dha idesë: “Ferma Juaj” të realizuar nga studentët Alondra Lleshaj, Tea Vocaj, Sanduela Domi, Orkida Gjonca.
  • Çmimi special iu dha idesë: “Hope for a better future” të realizuar nga studentët Emrulla Ramilli, Flavio Kaja, Levisa Pjetri, Shpresim Tahiraj.

digitaltirana

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0