Xhevit Hysenaj, ndërton dhe patenton sistemin e distilimit me ngrohje nga mbetjet e bimëve mjekësore - Business Magazine Albania

Xhevit Hysenaj, ndërton dhe patenton sistemin e distilimit me ngrohje nga mbetjet e bimëve mjekësore

Xhevit Hysenaj

Një prej kompanive më të mëdha të grumbullimit dhe përpunimit të bimëve mjekësore në vend, ka arritur të mbyllë plotësisht ciklin e distilimit dhe krijimit të esencave vajore duke përdorur sistem ngrohje me mbetjet e bimëve mjekësore. Xhevit Hysenaj, sipërmarrës i AlbKalustyan tregon për Businessmag zhvillimet e fundit në sipërmarrjen e tij dhe në fushën e bimëve mjekësore.

Kur keni nisur me distilimin në fabrikën tuaj dhe cilat bimë mjekësore bëhen esenca vajore?

Në vitin 1995 është filluar me një distilator të vogël, më pas në vitet në vijim dhe deri më sot nuk kemi ndaluar se rrituri kapacitetin e prodhimit dhe modernizuar linjën e prodhimit. Bimët janë: Sherebela, Dellinjat, Lavandula, Dafina, Mersina, Rigoni, Timusi, Trumza, Helikrisium, etj.

Sa është prodhimi i esencave vajore ndaj totalit të aktivitetit tuaj dhe eksporteve?

Prodhimi i esencave, të pakten për vitet e fundit është llogaritur rreth 30 Ton në vit. Kompania jonë mbulon rreth 70% te tregut të esencave vajore.

Ju po zhvilloni një teknike të re, duke futur në djegie edhe mbetjet e bimëve. A mund të na flisni për këtë linjë që keni arritur ta regjistroni si në emrin tuaj?

Kjo linjë është pjesë e qëllimeve tona drejt qëndrueshmërisë. Kemi menduar që menaxhimin e mbetjeve të bimëve ta orientojme drejt efikasitetit për të prodhuar një energji të pastër dhe të qëndrueshme. Mbetjet e indeve bimore prej procesit teknologjik të marrjes së bimës për eksport, i përdorim për distilim për të marrë edhe një përqindje të konsiderueshme të esencës. Më pas, këto mbetje i djegim në kaldajën e prodhimit të avullit, e cila prodhon energjinë e sistemit të distilimit.

Sa i ka ulur kostot e prodhimit kjo teknike? A mendoni se mund të praktikohet nga kompani të tjera? Nëse ka interes, a do ta shisnit këtë patente?

Ulja e kostos së kësaj teknike ka konsistuar në eleminimin e shpenzimeve për blerjen e lëndëve djegëse. Ndonëse interesi tregtar është i konsiderueshëm, shitja e kësaj patente nuk ka interes tregtar për në.

Në tërësi, si po ecën tregtia e bimëve mjekësore? Cilat janë sfidat? Si po ndikon pandemia?

Tregtia e bimëve aromatike ecën mirë dhe me hapa konstant. Lidhur me efektet e pandemisë ato janë vënë re vetëm tek rritja e çmimeve të transportit, siç po quhet ndryshe sfida globale e transportit. Kjo ka sjellë ndikime edhe në industrinë e bimëve, ashtu si në çdo industri ushqimore.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0