‘Wikipedia’, një ndër faqet më masive në botë sa i përket dijes, mbush pas pak orësh 15 vjet nga hedhja e saj në web.
Ajo u themelua më 15 janar të vitit 2001 nga Jimmy Wales dhe Larry Sanger. Askush në fillim nuk e mendonte që kjo faqe do të linte në hije shumë libra dhe burime të tjera informacioni tradicional, madje shpesh citohet edhe si një burim i besueshëm.
‘Wikipedia na ka sfiduar të rimendojmë se si dija të mblidhet dhe të shpërndahet, duke hedhur poshtë konceptin se informacioni mund të vijë vetëm nga lart’, tha Jimmy Wales.
Kjo faqe ofron sot mbi 35 milionë të dhëna në 290 gjuhë të botës dhe ka miliona përdorues në mbarë globin. Në të janë të regjistruar mbi 80 mijë redaktorë vullnetarë. Përparësia e shërbimit është se ai është falas dhe mbështetet në donacionet e përdoruesve. Aty nuk ka dhe nuk lejohen reklamat.
Themeluesit kanë njoftuar për plane të cilat do ta zhvillonin më tej këtë shërbim.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto